Image by Yugntruf Youth for Yiddish

די „אַהרון און סאָניע פֿישמאַן־פֿונדאַציע פֿאַר ייִדישער קולטור‟ האָט געמאָלדן אַז זי נעמט איצט אָן סובווענץ־אַפּליקאַציעס פֿאַר נײַע פּראָיעקטן וואָס פֿאַרשטאַרקן ייִדיש בײַ קינדער און יוגנטלעכע.

דער טערמין אָנצוגעבן אויף אַ סובסידיע פֿאַרן יאָר 2020 איז דער 31סטער אָקטאָבער 2019.

אַפּליקאַציעס מוזן אָנגעשריבן ווערן אויף ייִדיש, און דאַרפֿן נאָכפֿאָלגן די אַפּליקיר־אינסטרוקציעס, וואָס געפֿינט זיך אויף דער פֿונדאַציעס וועבזײַט:

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

http://www.fishmanfoundation.org/wwwfishmanfoundationorg/howtoapplyforagrant.html

די אַפּליקאַציעס קען מען אַרײַנשיקן דורך בליצפּאָסט צו:

applications@fishmanfoundation.org

אָדער דורך דער געוויינטלעכער פּאָסט אויפֿן ווײַטערדיקן אַדרעס:

די אויסגעטיילטע סובווענצן וועט מען מעלדן אין דעצעמבער.

אין די לעצטע פּאָר יאָר האָט די פֿונדאַציע סובסידירט אַ נײַע וועבזײַט וואָס דערמעגלעכט יונגע מענטשן צו שמועסן אויף ייִדיש; אַ פּראָגראַם אין פּאַריז וואָס לערנט קינדער ייִדיש, און אַן איניציאַטיוו דורך „יוגנטרוף יוגנט פֿאַר ייִדיש‟ אַרויסצוגעבן ייִדישע קינדערביכער אין אַ צוויישפּראַכיקן פֿאָרמאַט, און אונטערגעשטיצט סטיפּענדיעס פֿאַר יונגע־לײַט צו קענען קומען אויף דער ייִדיש־וואָך. די פֿונדאַציע האָט אויך סובסידירט די באַנײַטע יונגט־אויסגאַבע פֿון מאָטל פּייסי דעם חזנס, אַרויסגעגעבן דורך דער „ייִדיש־ליגע‟, אַ ייִדיש־קלאַס אין אַ ליובאַוויטשער מיידלשול און אַ פּראָגראַם אין תּל־אָבֿיבֿ, וואָס לערנט קינדער ייִדישע לידער.

אינעם בוך Focus on Bilingual Education, אַ זאַמלונג עסייען פֿונעם באַקאַנטן סאָציאָלינגוויסט שיקל פֿישמאַן, דערציילט ד״ר פֿישמאַן אַליין, אַז זײַנע טאַטע־מאַמע — אַהרון פֿישמאַן, אַ צאָן־טעכניקער פֿון באַסאַראַביע, און סאָניע, פֿון דער אוקראַיִנע — האָבן אימיגרירט קיין אַמעריקע און, אַ דאַנק זייער ייִדיש־אַקטיוויזם, איז זייער היים געוואָרן אַ „בינשטאָק פֿון ייִדיש“. אַהרון און סאָניע האָבן געפֿאָדערט, אַז זייערע צוויי קינדער, שיקל און רחל, זאָלן אין דער היים רעדן, לייענען און שרײַבן אויף ייִדיש, און האָבן אָרגאַניזירט ייִדיש־קאָנפֿערענצן, פּאָעזיע־רעציטאַציעס, טעאַטער־פֿאָרשטעלונגען און אַנדערע ייִדישע קולטור־אונטערנעמונגען.

לויט דזשאָרדין קוציקס נעקראָלאָג נאָך שיקל פֿישמאַנען אינעם „פֿאָרווערטס‟, פֿלעג שיקלס פֿאָטער גיין מיט אים קלאַפּן אין פֿרעמדע טירן, כּדי צוצורעדן מענטשן צו שיקן זייערע קינדער אין די ייִדישע שולן.

די פֿונדאַציע איז געגרינדעט געוואָרן אין יאַנואַר 1966, עטלעכע חדשים נאָך דער פּטירה פֿון אַהרון פֿישמאַן, און שפּעטער האָט מען אויך צוגעגעבן דעם נאָמען פֿון זײַן לעבנס־באַגלייטערין סאָניע, וואָס איז ניפֿטר געוואָרן אין 1979.

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount