די ייִדישע אַקטריסע מינאַ בערן, וואָס איז מיט צען יאָר צוריק אַוועק אין דער אייביקייט צו 98 יאָר, איז ניט בלויז געווען אַ באַליבטע פֿיגור בײַ די אָנהענגער פֿונעם ייִדישן טעאַטער, נאָר אויך אַ וויכטיקע וועגווײַזערין און מענטאָרין פֿאַר די קומענדיקע דורות ייִדישע אַקטיאָרן.

מאָנטיק, דעם 23סטן מאַרץ, וועט די אַקטריסע עלינאָר ריסאַ, מיטן אַקטיאָר שיין בייקער, וואָס ביידע זענען געווען מינאַס נאָענטע פֿרײַנד, מיטאַרבעטער און פּראָטעזשעען, זיך טיילן מיט זכרונות וועגן איר און פֿאָרשטעלן אויסצוגן פֿון איר רעפּערטואַר. צוזאַמען מיט זיי וועט אויך אויפֿטרעטן די אַקטריסע לאָרי ווילנער, וואָס האָט געשפּילט אין עטלעכע פֿאָרשטעלונגען מיט מינאַ בערן, אַרײַנגערעכנט דעם גרויסן „בראָדוויי‟־שלאַגער Those Were the Days, וואָס האָט געשילדערט די געשיכטע פֿונעם אַמאָליקן ייִדישן טעאַטער. דער טרומייט־שפּילער פֿרענק לאָנדאָן וועט באַגלייטן די אַקטיאָרן.

די פּראָגראַם, בײַם ניו־יאָרקער ייִוואָ, הייבט זיך אָן 7 אַ זייגער אין אָוונט. בילעטן זענען 10$ פֿאַרן ברייטן עולם און 5$ פֿאַר די ייִוואָ־מיטגלידער.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

מינאַ בערן איז געבוירן געוואָרן ניט ווײַט פֿון ביאַליסטאָק, וווּ זי האָט געהאַט איר טעאַטראַלישן דעביוט. לכתּחילה האָט זי געהייסן מינאַ בערנהאָלץ, נאָר זי האָט געביטן דעם נאָמען לויט דער עצה פֿון איר קרובֿ, דעם דראַמאַטורג און רעזשיסאָר משה בראָדערזאָן. אַכציק יאָר לאַנג האָט זי געשפּילט אויף דער ייִדישער בינע — אין ניו־יאָרק, אין פּוילן, אין ראַטן־פֿאַרבאַנד, אין לאַטײַן־אַמעריקע און אַפֿילו אין אַפֿריקע. משה אוישער, מיט וועמען זי איז אויפֿגעטראָטן אין עטלעכע ספּעקטאַקלען, האָט זי באַצייכנט ווי „די פֿרוי פֿון טויזנט מינעס‟. נאָך מער וועגן איר פֿילפֿאַרביקן לעבן קען מען זיך דערוויסן פֿון אָט דעם רעפֿעראַט, וואָס שיין בייקער האָט געהאַלטן אויף ייִדיש אין שוועדן, וואָס מע האָט שפּעטער טראַנסמיטירט אויף דער שוועדישער טעלעוויזיע.

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount