זומינאַר: פֿאַר וואָס זענען ייִדישע לידער הײַנט אַזוי פּאָפּולער?Zoominar: Why are Yiddish songs so popular now?
קוקט ווי די פֿאָרווערטס־רעדאַקטאָרין שׂרה־רחל שעכטער שמועסט מיט אָנגעזעענע ייִדישע זינגער — און הערט עטלעכע פֿון די באַליבטסטע לידער בײַם ברייטן עולם
פֿאַרשרײַבט זיך דאָ.
במשך פֿון די לעצטע עטלעכע חדשים האָבן אָנלײַן־קאָנצערטן פֿון ייִדישן געזאַנג צוגעצויגן טויזנטער צוהערער. כּדי בעסער צו פֿאַרשטיין דעם פֿענאָמען וועט שׂרה־רחל שעכטער, די רעדאַקטאָרין פֿונעם פֿאָרווערטס, אָנפֿירן מיט אַ פּאַנעל פֿון באַקאַנטע ייִדישע זינגער וווּ מע וועט אַרומרעדן די פֿראַגע, „פֿאַר וואָס זענען ייִדישע לידער הײַנט אַזוי פּאָפּולער?‟ מע וועט אויך זינגען עטלעכע ייִדישע לידער וואָס זענען הײַנט באַליבט בײַם ברייטן עולם.
אינעם פּאַנעל וועלן אָנטייל נעמען לאָרין סקלאַמבערג, דניאל קאַהן, שׂרה־מינע גאָרדאָן און איציק גאָטעסמאַן.
די פּראָגראַם איז אַ טייל פֿון דער סעריע Forward Focus: Talks in Trying Times אין וועלכער רעדאַקטאָרן פֿונעם פֿאָרווערטס און דעם Forward רעדן מיט באַקאַנטע ייִדישע פֿיגורן, וואָס שטרעבן אָנצוקניפּן געזעלשאַפֿטלעכע פֿאַרבינדונגען במשך פֿונעם קאָראָנאַ־ווירוס־קריזיס.
די פּראָגראַם וועט פֿאָרקומען מאָנטיק, דעם 22סטן יוני, 2 אַ זייגער נאָך מיטאָג.