ווידעאָ: יוני אילת זינגט פּסוקים פֿון תּהילים אויף ייִדישVIDEO: Yoni Eilat sings words from the Psalms in Yiddish
די ווערטער „לאָז אָפּ שלעכטס און טו גוטס‟ זענען זייער פּאַסיק אין די לעצטע טעג פֿאַר יום־כּיפּור.
דער ישׂראלדיקער אַקטיאָר און זינגער, יוני אילת, האָט ערשט אַרויסגעלאָזט אַ ייִדישן מוזיק־ווידעאָ, וווּ ער זינגט עטלעכע פּסוקים פֿון תּהילים אויף ייִדיש. דאָס ליד, „ווער איז דער מענטש‟, האָט איבערגעזעצט ד״ר יניבֿ גאָלדבערג, אַ לערער פֿון ייִדישער ליטעראַטור אין בר־אילן אוניווערסיטעט. דאָס ליד ווערט באַגלייט פֿונעם קלעזמער־אַנסאַמבל, „די גאַסן־טריאָ‟
די ווערטער, „לאָז אָפּ שלעכטס און טו גוטס‟, זענען טאַקע זייער פּאַסיק אין די לעצטע טעג פֿאַר יום־כּיפּור.
דאָס איז ווײַט נישט דער איינציקער יוטוב וווּ אילת זינגט אויף ייִדיש. אין 2020, למשל, האָט ער אַרויסגעלאָזט אַ ווידעאָ וווּ ער זינגט יוסף פּאַפּיערניקאָווס ליד, „זאָל זײַן אַז איך בוי אין דער לופֿט מײַנע שלעסער‟ און אינעם זעלבן יאָר איז אַרויס אַ גאַנצער קאָנצערט, וווּ ער זינגט צוזאַמען מיט דער זינגערין יעל יקל.