קאָנצערט לכּבֿוד 100סטן געבוירן־טאָג פֿונעם פֿאָלקסזינגער אַרקאַדי גענדלער ז״לConcert in tribute to late folksinger Arkady Gendler, 100 years after his birth
דאָס וואָס גענדלער האָט געקענט אַזוי פֿיל זעלטענע פֿאָלקסלידער האָט אַ סך צוגעגעבן צום הײַנטיקן כּלי־זמר־רעפּערטואַר.
זונטיק, דעם 28סטן נאָוועמבער, 11 אַ זייגער אין דער פֿרי ניו־יאָרקער צײַט, וועט פֿאָרקומען אַ קאָנצערט אָנלײַן לכּבֿוד דעם 100סטן געבוירן־טאָג פֿונעם גרויסן ייִדישן פֿאָלקסזינגער אַרקאַדי גענדלער ז״ל.
אויף דער אונטערנעמונג, וואָס ווערט אָרגאַניזירט פֿון דער פֿייסבוק־גרופּע, „ייִדיש געזאַנג‟, וועלן אויפֿטרעטן אַ טייל פֿון די באַקאַנטסטע זינגער אויף ייִדיש: שורה ליפּאָווסקי, סאַשא לוריא, דזשאָש דאָלגין, ווי אויך אַ צאָל מומחים פֿון ייִדיש געזאַנג.
אַרקאַדי (אַבֿרהם) גענדלער איז געבוירן געוואָרן אינעם בעסאַראַבער שטעטל סאָראָקע. בעסאַראַביע, איצט מאָלדאָווע, איז געווען איינער פֿון די איינציקע ראַיאָנען אינעם ראַטן־פֿאַרבאַנד, וווּ ייִדיש איז געבליבן אַ פֿאַרשפּרייטע לעבעדיקע שפּראַך במשך פֿון דער גאַנצער סאָוועטישער תּקופֿה.
כאָטש פֿון פֿאַך איז גענדלער געווען אַן אינזשעניר און כעמיקער, איז זײַן גרעסטע הנאה געווען צו זינגען ייִדישע פֿאָלקסלידער. נאָך זײַן פּענסיע איז ער אָפֿט געפֿאָרן אויף פֿעסטיוואַלן פֿון כּל־זמר־מוזיק איבער דער וועלט און געלערנט דעם עולם אַ גרויסע צאָל זעלטענע ייִדישע לידער, שפּילנדיק דערבײַ אַ וויכטיקע ראָלע אין דער הײַנטיקער אַנטוויקלונג פֿון דעם זשאַנער. אין 2001 האָט ער רעקאָרדירט זײַן ערשטן מוזיקאַלישן אַלבאָם אין בערקלי, קאַליפֿאָרניע, „מײַן שטעטעלע סאָראָקע‟, אין וועלכן ס׳איז אַרײַן אַ פֿריִער אומבאַקאַנט ליד פֿון איציק מאַנגער.
כּדי צו באַקומען דעם לינק צום קאָנצערט, גיט אַ קוועטש דאָ איין שעה פֿריִער.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
