אָנלײַן־שמועס מיטן יונגן ייִדישן שרײַבער, עמיל קאַליןMeet the young Yiddish writer, Emil Kalin
דער שמועס איז טייל פֿון דער סעריע, „שמועסן מיט הײַנטצײַטיקע ייִדיש־מחברים‟.
דאָנערשטיק, דעם 2טן דעצעמבער, 12:00 ניו־יאָרקער צײַט, וועט פֿאָרקומען אויף זום אַן עפֿנטלעכער שמועס מיטן יונגן תּל־אָבֿיבֿער שרײַבער, עמיל קאַלין.
דער שמועס, וואָס ווערט אָרגאַניזירט דורך דער ייִדיש־ליגע, איז טייל פֿון דער יוטוב־סעריע, „שמועסן מיט הײַנטצײַטיקע ייִדיש־מחברים‟.
איינע פֿון די טעמעס אין דער דיסקוסיע וועט זײַן קאַלינס דערציילונג, „די רעוואָלוציע‟, וואָס האָט זיך געדרוקט אינעם לעצטן נומער פֿון „אויפֿן שוועל‟, דער זשורנאַל פֿון דער ייִדיש־ליגע.
כּדי זיך צו באַטייליקן אין דער אונטערנעמונג גיט אַ קוועטש דאָ.
אויב איר ווילט לייענען קאַלינס דערציילונג פֿון פֿריִער, כּדי בעסער צו קענען זיך באַטייליקן אינעם שמועס, שיקט אַ בריוול צו info@leagueforyiddish.org.