צווישן די קורסן בײַם אַרבעטער רינג — אַמעריקאַנער ייִדישע מחברים וואָס האָבן געשריבן אין און וועגן אוקראַיִנעAmong the Workers Circle courses: American Yiddish authors who wrote in and about Ukraine
![אין איין קורס וועט מען לייענען ווערק וועגן די ייִדן אין דער פֿאַר־מלחמהדיקער אוקראַיִנע. אויפֿן בילד: ייִדו אין אַ פּאַרק אין טרוסקעוויץ, מערבֿ־אוקראַיִנע, בערך די 1920ער](https://forward.com/wp-content/uploads/2022/09/Truskawiec._Jews_-truskevits-2400x1350-1664377605.jpg)
אין איין קורס וועט מען לייענען ווערק וועגן די ייִדן אין דער פֿאַר־מלחמהדיקער אוקראַיִנע. אויפֿן בילד: ייִדו אין אַ פּאַרק אין טרוסקעוויץ, מערבֿ־אוקראַיִנע, בערך די 1920ער Photo by Wikimedia Commons
דער אַרבעטער רינג האָט שוין געמאָלדן זײַנע קורסן אויפֿן האַרבסט־זמן, וואָס הייבט זיך אָן די וואָך פֿונעם 19טן אָקטאָבער. אַלע קלאַסן וועלן דורכגעפֿירט ווערן יעדע וואָך דורך זום.
ווי אין פֿריִערדיקע יאָרן וועלן די ווײַטהאַלטער קלאַסן געפֿירט ווערן אויף ייִדיש. אַ טייל וועלן באַשטיין פֿון צען סעסיעס, און אַנדערע — פֿון פֿינעף.
איין קורס פֿון צען סעסיעס וועט דעקן אויסצוגן פֿון די ווערק פֿון אַ צאָל אַמעריקאַנער ייִדישע מחברים וואָס האָבן געשריבן אין און וועגן אוקראַיִנע במשך פֿון די 1920ער און 1930ער, אַרײַנגערעכנט משה אָלגין, יוסף אָפּאַטאָשו, מענדל אָשעראָוויטש, י. י. זינגער, דוד פּינסקי און אַלעקסאַנדער פּאָמעראַנץ.
אָט זענען די טעמעס פֿון די אַנדערע קורסן פֿון צען סעסיעס:
- די טשיקאַווע זכרונות פֿונעם לאָדזשער בונדיסט פּינחס מינץ
- אַן אַרײַנפֿיר צו וויסנשאַפֿטלעכער און טעכנאָלאָגישער טערמינאָלאָגיע אויף ייִדיש
- מנחם באָריישאָ: דער ליטוואַק וואָס איז געוואָרן י. ל. פּרצעס סטודענט
- משה־לייב האַלפּערין — דער פּאָעט און דער אַנטי־פּאָעט
- רוסישע און גאַליציאַנער שיטות פֿון ייִדישער דיכטונג, דורך די שריפֿטן פֿון חיים־נחמן ביאַליק און אורי־צבֿי גרינבערג
- טעאַטער־וואַרשטאַט וווּ מע וועט זיך לערנען די ריכטיקע אינטאָנאַציע פֿון ייִדישע זאַצן
- די סטרוקטור פֿון חסידישן ייִדיש
- אויסצוגן פֿון די אויטאָביאָגראַפֿיעס פֿון מאַשע ראָלניק, דבֿורה דיין, יחזקאל קאָטיק און וועלוול טשערנין.די מיני־קורסן וועלן דעקן די ווײַטערדיקע טעמעס:
- 100 יאָר ייִדישער קינאָ – ראַנגלענישן מיט דער מאָדערניטעט (געצילעוועט אויף מיטנדיקע און ווײַטהאַלטער סטודענטן)
- די ווערק פֿון פֿינעף סאָוועטיש־ייִדישע שרײַבער, 70 יאָר נאָך זייער מאָרד (לערער: מרים טרין
- די לידער, פּראָזע און דאָס לעבן פֿון א. נ. סטענצל (לערער: דוד כּץ)
כּדי זיך צו פֿאַרשרײַבן אויף איינעם אָדער מער קורסן, אָדער קריגן מער פּרטים גיט אַ קוועטש דאָ.
A message from Forverts editor Rukhl Schaechter
I hope you appreciated this article. Before you move on, I wanted to ask you to support the Forverts' 127-year legacy — and its bright future.
In the past, the goal of the Forverts was to Americanize its readers, to encourage them to learn English well and to acculturate to American society. Today, our goal is the reverse: to acquaint readers — especially those with Eastern European roots — with their Jewish cultural heritage, through the Yiddish language, literature, recipes and songs.
Our daily Yiddish content brings you new and creative ways to engage with this vibrant, living language, including Yiddish Wordle, Word of the Day videos, Yiddish cooking demos, new music, poetry and so much more.
— Rukhl Schaechter, Yiddish Editor