די הילע פֿונעם ביכל„פּורים איז אַ שפּיל אַזאַ“ (1968) by Oyfgang

די וואָך איז אויף יו־טוב אַרויסגעלאָזט געוואָרן אַן אַנימאַציע פֿון אַ מוזיקאַלישן פּורים־שפּיל פֿאַר קינדער אויף ייִדיש, „פּורים איז אַ שפּיל אַזאַ“. שפֿרה ווײַטמאַן האָט געשאַפֿן די אַנימאַציע און מינע־ליפֿשע ווישוואַנאַט האָט אויסגעזונגען דעם טעקסט.

דעם קורצן מיוזיקל, וואָס מע האָט אַרויסגעגעבן ווי אַ ביכל מיט ווייכע טאָוולען אין 1968, איז געשאַפֿן געוואָרן אַ דאַנק דער האָרעוואַניע פֿון פֿיר ייִדישיסטקעס. מרים האָפֿמאַן האָט געשריבן דעם טעקסט, מלכּה גאָטליב האָט געשאַפֿן די מוזיק און צירל וואַלעצקי האָט דאָס ביכל אילוסטרירט. געלע שווייד־פֿישמאַן האָט דורכגעפֿירט די אַדמיניסטראַטיווע אַרבעט.

ווי מע קען לייענען אין דעם אַרטיקל וועגן דעם פּראָיעקט אַרויסצוגעבן דאָס ביכל, איז עס גאָר נישט געווען גרינג. שווײַד־פֿישמאַן האָט דערציילט דעם פֿאָרווערטס, אַז ווען זי האָט אינעם נאָמען פֿון די פֿיר פֿרויען געבעטן עטלעכע דירעקטאָרן פֿון ייִדישע אינסטיטוציעס צו פּובליקירן דאָס ביכל, האָט מען זיי קיין געלט אָדער שטיצע נישט געגעבן. האָבן די פֿרויען באַשלאָסן אַליין אַרויסצוגעבן דאָס ביכל, דורכן שאַפֿן אַן אייגענעם פֿאַרלאַג, „אויפֿגאַנג“.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

ווי מרים האָפֿמאַן דערציילט אין דעם אַרטיקל, איז דער אומאינטערעס צו זייער ביכל געווען, צום טייל, אַ סימן אַז די דירעקטאָרן, אַלע — מענער, האָבן פּשוט נישט געהאַלטן אַז פֿרויען קענען שאַפֿן אַ געראָטן ווערק. דערפֿאַר האָט זי באַשלאָסן צו פֿאַרבײַטן איר אייגענעם נאָמען ווי דער מחבר אויף אַ מענערישן פּסעוודאָנים — גבֿריאל טאָליעס.

„מיר האָבן פֿאַרשטאַנען, אַז קיינער וועט דאָס ביכל נישט אויפֿנעמען ערנסט, אויב מע דערוויסט זיך, אַז דאָס האָבן פֿיר פֿרויען אַרויסגעגעבן,“ האָט האָפֿמאַן געזאָגט. „האָב איך גענומען מײַן מאַמעס נאָמען, טאָליע, און געמאַכט דערפֿון: גבֿריאל טאָליעס.“

איך האָב זייער שיינע זכרונות פֿון „פּורים איז אַ שפּיל אַזאַ“.ווען דאָס ביכל איז אַרויס אין 1968 האָט די פּאָעטעסע (און מײַן מומע) ביילע שעכטער־גאָטעסמאַן רעזשיסירט דאָס פּורים־שפּיל אויף דער בינע פֿון דער שלום־עליכם שול 21. די ראָלעס האָבן געשפּילט די יונגע מיטגלידער פֿונעם קינדערקלוב „ענגע־בענגע“. צווישן זיי: אַבֿי האָפֿמאַן, דוד פֿישמאַן, איציק גאָטעסמאַן, מײַן שוועסטער גיטל שעכטער־ווישוואַנאַט און איך.

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount