ווידעאָ: ווי די קינסטלעכע אינטעליגענץ באַשרײַבט אַ דיבוקVIDEO: How AI describes a dybbuk
אַ סצענע פֿונעם פֿילם „דער דיבוק“ (1937) Photo by National Center for Jewish Film
די וואָך האָט מען אויף יו־טוב אַרויפֿגעשטעלט די ווידעאָ־רעקאָרדירונג פֿון אַ לעקציע וועגן ייִדיש און דער קינסטלעכער אינטעליגענץ („איי־אײַ“ בלע״ז), אָפּגעהאַלטן פֿון וואַלענטינאַ פֿעטשענקאָ, אַ פֿאָרשערין פֿון דער ייִדישער ליטעראַטור און לינגוויסטיק בײַם סאָרבאָן אין פּאַריז.
דער רעפֿעראַט, וואָס איז דורכגעפֿירט געוואָרן דורך זום, איז געשטיצט געוואָרן פֿונעם צענטער פֿון ייִדיש־לימודים אויפֿן נאָמען פֿון רינה קאָסטער בײַם בר־אילן אוניווערסיטעט אין רמת־גן, ישׂראל.
כאָטש דער אַרײַנפֿיר צו דער לעקציע ווערט געמאַכט אויף העברעיִש, רעדט פֿעטשענקאָ דאָ אין גאַנצן אויף ייִדיש. זי באַשרײַבט עטלעכע טעקסטן וואָס זי האָט געשטעלט דעם „טשעט דזשי־פּי־טי“ ווי, למשל, די פֿראַגע: „וועלכע שפּראַך רעדן דיבוקים?“ דער ענטפֿער וואָס זי האָט באַקומען איז געווען אַ געראָטענער: „דיבוקים אין ייִדישן פֿאָלקלאָר און מיסטיק רעדן געוויינטלעך ייִדיש. זינט דיבוקים ווערן פֿאַרשטאַנען ווי נשמות פֿון נפֿטרים, און דער נפֿטר איז געווענטלעך געווען אַ ייִד וואָס האָט גערעדט ייִדיש בשעת ער איז געווען לעבעדיק, וועט דער דיבוק טיפּיש אויסדריקן זיך אין ייִדיש, די שפּראַך וואָס ער האָט גערעדט אין זײַן לעבן.“
ווען פֿעטשענקאָ האָט אָבער געבעטן „איי־אײַ“ צו „רעדן ווי אַ דיבוק“, איז דער ענטפֿער שוין נישט געווען אַזוי גלאַטיק און במילא שווערער צו פֿאַרשטיין.
דאָס איז מסתּמא דאָס ערשטע מאָל וואָס מע קען אויף יוטוב זען אַ רעפֿעראַט אויף ייִדיש וועגן דער קינסטלעכער אינטעליגענץ. פֿון דעסט וועגן וועט מען אין דער ייִדיש־וועלט זיכער נאָך אַ סך אַרומרעדן די מעגלעכקייטן פֿון אָט דער נײַער טעכנאָלאָגיע לגבי דער פֿאָרשונג און פֿאַרשפּרייטונג פֿון דער ייִדישער ליטעראַטור.
אָט קענט איר זען די גאַנצע לעקציע:
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
