טראָמפּ געווינט, צוזאָגנדיק איבערצומאַכן אַמעריקע און איר באַציִונג צו ישׂראלTrump wins, promising to reshape the United States and its relationship with Israel
לויט אַן אויספֿרעג נאָכן שטימען האָבן ס׳רובֿ ייִדן — 79% — געשטימט פֿאַר קאַמאַלאַ האַריס.
דאָנאַלד טראָמפּ גיט אַ רעדע אין מאַדיסאָן סקווער גאַרדען, נ״י, דעם 27סטן אָקטאָבער 2024 Photo by Getty Images
(ייִט״אַ) וואַשינגטאָן. — מיטוואָך אין דער פֿרי האָט דאָנאַלד טראָמפּ צום צווייטן מאָל געוווּנען די פּרעזידענטשאַפֿט — אַ נצחון וואָס קען איבערמאַכן די פֿאַראייניקטע שטאַטן און בײַטן איר באַציִונג מיט ישׂראל, כאָטש זײַן אַדמיניסטראַציעס אינלאַנדישע פּריאָריטעטן זענען גאָר אַנדערש ווי די פּריאָריטעטן פֿון ס׳רובֿ אַמעריקאַנער ייִדן.
לויט אַן אויספֿרעג נאָכן שטימען פֿון „פֿאַקס ניוס“ האָבן ס׳רובֿ ייִדן — 79% — געשטימט פֿאַר קאַמאַלאַ האַריס.
בײַ אַ סך ייִדן האָט דער כאַמאַס־אַטאַק אויף ישׂראל דעם 7טן אָקטאָבער 2023 שטאַרק באַווירקט די קאַמפּאַניע. די מלחמה האָט צעשפּאָלטן די דעמאָקראַטישע פּאַרטיי, וווּ דער פּראָגרעסיווער פֿליגל האָט געדריקט אויף האַריס אָפּצושוואַכן איר שטיצע פֿאַר ישׂראל בשעת צענטריסטישע דעמאָקראַטן האָבן גערופֿן ווײַטער אונטערצושטיצן די ייִדישע מדינה.
טראָמפּ האָט שטאַרק געאַרבעט צוצוציִען די ייִדישע וויילער אָנווײַזנדיק אויף זײַן ביז־איצטיקער שטיצע פֿאַר ישׂראל. ער האָט אָפֿט דערמאָנט די כּלערליי אופֿנים אין וועלכע ער האָט באַוויזן צופֿרידנצושטעלן די ישׂראלדיקע רעגירונג, אַרײַנגערעכנט דעם איבערציִען די אַמעריקאַנער אַמבאַסאַדע קיין ירושלים און זײַן ראָלע בײַם רעאַליזירן אַ הסכּם צווישן ישׂראל און עטלעכע אַראַבישע לענדער.
ער האָט אויך צוגעזאָגט צו רעאַגירן שטרענג קעגן די אַנטי־ישׂראלדיקע דעמאָנסטראַציעס אויף די קאָלעדזש־קאַמפּוסן, וואָס אַ צאָל ייִדישע סטודענטן האָבן געזאָגט אַז זיי שאַפֿן אַן אַנטיסעמיטישע אַטמאָספֿער. טראָמפּ האָט געוואָרנט אַז ער וועט צוריקציִען געלטער פֿון יענע אוניווערסיטעטן וואָס טוען נישט גענוג צו באַשיצן זייערע ייִדישע סטודענטן, און וועט דעפּאָרטירן אויסלענדישע סטודענטן וואָס באַטייליקן זיך אין די מאַניפֿעסטאַציעס.
ביז איצט האָט טראָמפּ געמוטיקט ישׂראל צו טאָן אַלץ וואָס זי דאַרף זיך צו פֿאַרטיידיקן. ער האָט אָבער אויך גערופֿן פֿאַר אַ גיכן סוף צו דער מלחמה אין עזה, וואָס דער ישׂראלדיקער פּרעמיער בנימין נתניהו האָט איגנאָרירט. טראָמפּ האָט אויך אָפֿט געזאָגט אַז ישׂראלס גורל איז אָפּהענגיק פֿון זײַן דערוויילט ווערן.
דערצו האָט ער אויפֿגעבראַכט אַ סך ייִדן, אַרײַנגערעכנט זײַנע אייגענע שטיצער, ווען ער האָט געזאָגט אַז די ייִדן וועלן צום טייל זײַן שולדיק אויב ער פֿאַרשפּילט די וואַלן. נישט געקוקט אויף זײַנע באַמיִונגען צוצוציִען ייִדישע שטימען האָבן עטלעכע אויספֿרעגן נאָכן שטימען אָנגעוויזן אַז ס׳רובֿ ייִדן האָבן פֿאָרט געשטימט פֿאַר האַריס, אויס פּראָטעסט קעגן זײַן כאַראַקטער און זײַן אינלאַנדישער פּאָליטיק.
טראָמפּ האָט למשל געזאָגט אַז אויב ער וועט דערוויילט ווערן וועט ער דורכפֿירן מאַסן־דעפּאָרטאַציעס פֿון אימיגראַנטן און וועט אײַנאָרדענען אַ סאָציאַלע פּאָליטיק וואָס שפּיגלט אָפּ אַ קריסטלעכע השפּעה אויף דער רעגירונג.
ס׳רובֿ אַמעריקאַנער ייִדן זענען קעגן אָט די שריט, ווי אויך קעגן דעם אָפּשאַפֿן די פֿעדעראַלע באַשיצונג פֿון אַבאָרטרעכט — אַ הויפּטציל פֿון דער קריסטלעכער טאָג־אָרדענונג.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
