קלאַסישע ייִדישע ראַדיאָ־דראַמעס וועט מען קענען הערן דורך פֿייסבוקClassic Yiddish radio dramas to be streamed on Facebook
אַקטיאָרן וועלן אויפֿפֿירן צוויי קאַפּיטלען פֿון נחום סטוטשקאָווס „אַ וועלט מיט וועלטלעך“ און מע וועט זיי קענען זען דורך פֿייסבוק.
Image by Folksbiene
במשך פֿון די 1930ער און 1940ער יאָרן האָט די ראַדיאָ־סטאַנציע פֿונעם פֿאָרווערטס, WEVD, אויפֿגעפֿירט מער ווי טויזנט קאַפּיטלען פֿון עטלעכע ראַדיאָ־דראַמעס אָנגעשריבן פֿונעם דראַמאַטורג און לעקסיקאָגראַף נחום סטוטשקאָוו, אַרײַנגערעכנט „צרות בײַ לײַטן“ און „אַ וועלט מיט וועלטעלעך“. כאָטש בלויז אַ פּאָר פֿון די רעקאָרדירטע טראַנסמיסיעס זענען נאָך בנימצא, בלײַבן יאָ אין דער ייִדישער אָפּטיילונג פֿון דער ניו־יאָרקער ביבליאָטעק „דורות“ הונדערטער סקריפּטן דערפֿון.
לייזער בורקאָ, וואָס פֿאָרשט שוין לאַנגע יאָרן דאָס לעבן און שאַפֿן פֿון נחום סטוטשקאָוו, וועט אויפֿטרעטן צוזאַמען מיט אַ גרופּע אַקטיאָרן פֿון דער פֿאָלקסבינע אין נײַע אינסצענירונגען פֿון צוויי קאַפּיטלען „אַ וועלט מיט וועלטלעך.“ אין דער פּראָגראַם, וואָס מע וועט טראַנסמיטירן דורך פֿייסבוק, וועלן אָנטייל נעמען די אַקטיאָרן אינאַ באַרמאַש, מאָטל דידנער, לי האַרווי, דילען סידערס האָפֿמאַן, רבֿקה קאַרען, לאָרי לײַפֿער, אלי ראָזען און זיסל סלעפּאָוויטש. עס וועלן אויך אויפֿטרעטן מאַט טעמקין מיט קלאַנגען־עפֿעקטן און זלמן מלאָטעק מיט געזאַנג.
די טראַנסמיסיע, וואָס וועט באַגלייט ווערן מיט ענגלישע אונטערקעפּלעך, וועט פֿאָרקומען מיטוואָך, דעם 6טן מײַ, 7 אַ זייגער אין אָוונט. נאָך אינפֿאָרמאַציע, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
