Photo by JACK GUEZ/AFP via Getty Images)

דעם 19טן פֿעברואַר האָט אַ גרופּע ייִדישע קולטור־טוער, אַקאַדעמיקער און זינגער פֿון אַרגענטינע, ישׂראל און בראַזיל זיך באַטייליקט אין אַ ווירטועלער מאַניפֿעסטאַציע פֿאַר די פֿאַרכאַפּטע פֿון כאַמאַס, אין גאַנצן אויף ייִדיש.

עס האָט אויך אָנטייל גענומען איציק האָרן — אַן אַרגענטינע־געבוירענער ישׂראלי, וואָס צוויי פֿון זײַנע זין, איתן און יאיר, זענען צווישן די 130 ערובֿניקעס וואָס זיצן נאָך פֿאַרשפּאַרט אין עזה זינט די כאַמאַס־אַטאַקן אויף ישׂראל דעם 7טן אָקטאָבער 2023. מיט אַ חודש צוריק האָט דער פֿאָרווערטס אַרויסגעלאָזט אַ ווידעאָ, וווּ די ישׂראל־קאָרעספּאָנדענטקע עטל ניבאָרסקי אינטערוויויִרט איציק האָרן אויף ייִדיש.

די מאַניפֿעסטאַציע האָט אָרגאַניזירט דער „רינע קאָסטער צענטער פֿאַר ייִדיש־לימודים“ בײַם בר־אילן אוניווערסיטעט בשותּפֿות מיטן „אינסטיטוט פֿאַרן שטודירן די ייִדיש־קולטור“ בײַם „פֿונדאַציע ייִוואָ“ אין בוענאָס־אײַרעס.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

די באַטייליקטע האָבן פֿאָרגעלייענט קלאַסישע לידער וועגן זיצן אין תּפֿיסה, רדיפֿות און אַנטיסעמיטיזם, אָנגעשריבן פֿון דוד האָפֿשטיין, איציק מאַנגער, פּרץ מאַרקיש, לייבו לעווין, אַבֿרהם רייזען און יוסף פּאַפּיערניקאָוו.

אַנדערע האָבן רעציטירט זייערע אייגענע לידער וועגן אַנטיסעמיטיזם און תּפֿיסה: דובֿ־בר קערלער פֿונעם אינדיאַנער אוניווערסיטעט; דבֿ־בער קאָטלערמאַן פֿונעם בר־אילן אוניווערסיטעט; דער ייִדיש־אַקטיוויסט אלי שאַרפֿשטיין; אסתּר שוואַרץ פֿונעם בוענאָס־אײַערעס אוניווערסיטעט, אַבֿרהם ליכטענבוים און סילוויע האַנסמאַן — ביידע פֿונעם אַרגענטינער ייִוואָ. רות לעווין האָט פֿאָרגעלייענט אַ ליד פֿון איר טאַטן וואָס איז געשטאָרבן אין 1983 און קערלער האָט געוויזן אַ ווידעאָ פֿון זײַן טאַטן, דעם פּאָעט יוסף קערלער, ווי ער זינגט אויס זײַן „שׂימחת־תּורה ליד“ אין בערך 1998.

דערצו האָט מען געהערט אַ קראַנץ אַנדערע ייִדישע זינגלידער, געזונגען פֿון רות לעווין, ווירע לאָזינסקי, מאַריסע אַלקיאָדי און ניקאָל בערגער.

כּדי צו זען דעם ווידעאָ, גיט אַ קוועטש דאָ.

A message from our CEO & publisher Rachel Fishman Feddersen

I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.

This year, we have stood together in strength and sorrow. Our Forward team has worked around the clock to help you find clarity amid the chaos.

If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.

Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism. 

—  Rukhl Schaechter, Yiddish Editor

Join our mission to tell the Jewish story fully and fairly.

$36 $500

$120 $180 Other amount