אינטענסיווער קורס פֿאַר ייִדיש־לערער אויף דער בערלינער זומער־פּראָגראַם Intensive course for Yiddish teachers at the Berlin Yiddish summer program
די פּראָגראַם וועט באַטראַכטן עקזיסטירנדיקע לערנביכער און זיך אַרייַנטראַכטן אין די אונטערשיידן צווישן זיי און ווי מע קען זיי ניצן.
Graphic by Angelie Zaslavsky
צום דריטן מאָל אָרגאַניזירט דער פּאַריזער ייִדיש־צענטער אַ לערער־סעמינאַר ווי אַ טייל פֿון זייַן זומער־פּראָגראַם, וואָס וועט הייַיאָר פֿאָרקומען אין בערלין. ווי אין פֿריִערדיקע יאָרן וועט די זומער־פּראָגראַם דורכגעפֿירט ווערן אונטער דער השגחה פֿונעם ייִדישן פֿאָרשער און לעקסיקאָגראַף יצחק ניבאָרסקי.
דער לערער־סעמינאַר, וואָס וועט פֿאָרקומען פֿונעם 8טן ביזן 26סטן אויגוסט 2022 אינעם מיזרח־אייראָפּעיִשן־אינסטיטוט בײַ דעם פֿרײַען אוניווערסיטעט אין בערלין, איז געווענדט סײַ צו אַקטיווע ייִדיש־לערערס (אַזעלכע וואָס לערנען שוין), סײַ צו צוקונפֿטיקע לערערס וואָס וועלן אָנהייבן לערנען אינעם קומענדיקן יאָר. די פּראָגראַם נעמט אַרייַן פֿאַרשיינענע לערן־מעטאָדן און צוגאַנגען און וועט אויך דערמעגלעכן די אָנטייל־נעמער צו פּראַקטיצירן די טעאָריע אין די ראַמען פֿון דער בערלינער זומער־פּראָגראַם.
די לערער פֿונעם לערער־סעמינאַר וועלן זײַן שרון בר־כּוכבֿא און רייזע טורנער.
כאָטש די זומער־פּראָגראַם וועט אין אַלגעמיין זײַן היבריד — די סטודענטן פֿונעם זעלביקן קלאַס וועלן קענען זיך לערנען אָדער אויפֿן אָרט אָדער דורך זום — וועט דער לערער־סעמינאַר פֿאָרקומען בלויז אויפֿן אָרט. פֿאַראינטערעסירטע וואָס קענען זיך נאָר באַטייליקן דורך זום, זאָלן אָנשרײַבן דער אַדמיניסטראַציע אַ בריוו ניצנדיק דעם פֿאָרמולאַר.
די לערער־גרופּע וועט באַטראַכטן עקזיסטירנדיקע לערנביכער און זיך אַרייַנטראַכטן אין די אונטערשיידן צווישן זיי און ווי מע קען זיי ניצן. זיי וועלן לערנען ווי צו פּלאַנירן אַ לעקציע און ווי זי צו פֿירן, נעמענדיק אין באַטראַכט דעם צונויפֿשטעל פֿון דער גרופּע תּלמידים: זייערע צילן בייַם לערנען, די שפּראַכן וואָס זיי קענען, די אינטענסיווקייט פֿון די לעקציעס אאַז”וו. דערצו וועלן די לערער זיך פֿאַרנעמען מיט שאַפֿן אייגענע מאַטעריאַלן, באַזונדערש אַזעלכע וואָס זענען צוגעפּאַסט צו אינטערנעץ־לעקציעס.
כּדי זיך צו פֿאַרשרײַבן אויפֿן סעמינאַר שיקט אײַער קוריקולום־וויטע, אין איינעם מיט אַ באַגלייטבריוו אויף ייִדיש, ניצנדיק דעם פֿאָרמולאַר.
אַחוץ דעם לערער־סעמינאַר וועלן במשך פֿון די דרײַ וואָכן פֿאָרקומען ייִדיש־לעקציעס אויף פֿיר מדרגות; וואַרשטאַטן פֿון געזאַנג, טעאַטער, שמועס, קאָכן און אַנדערע מינים; רעפֿעראַטן, באַזוכן און פֿילמען. כּדי צו זען מער פּרטים אָדער זיך צו פֿאַרשרײַבן אויף דער זומער־פּראָגראַם גיט אַ קוועטש דאָ.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
