פּאַנעל־דיסקוסיע וועגן הײַנטיקער ווירקונג פֿונעם „בונד‟Panel Discussion On the Jewish Labor Bund’s Influence Today
פּאָליטישע אַקטיוויסטן, שרײַבער און היסטאָריקער וועלן אַרומרעדן ווי דעם בונדס פֿילאָסאָפֿיע ווירקט אויף זייערע טעטיקייטן אין טראָמפּס אַמעריקע.
Image by Yivo Institute for Jewish Research
זונטיק איז אינעם „ניו־יאָרק טײַמס‟ דערשינען אַ מיינונג־אַרטיקל פֿון דער באַקאַנטער זשורנאַליסטקע מישעל גאָלדבערג, אין וועלכן זי באַשרײַבט דעם ווידער־אויפֿלעב פֿונעם ייִדישן ראַדיקאַליזם ווי אַן אָפּרוף אויף דער טראָמפּ־אַדמיניסטראַציע. כאָטש זי דערמאָנט בכלל ניט דעם „ייִדישן אַרבעטער בונד‟, איז קלאָר פֿון די לינק־געשטימטע אַקטיוויסטן מיט וועמען זי האָט גערעדט, אַז די אַמאָליקע אָרגאַניזאַציע און דער באַגריף „דאָיִקייט‟ (וואָס ווערט יאָ ציטירט אינעם אַרטיקל) האָבן זיכער געהאַט אַ השפּעה אויף זייער געדאַנקען־גאַנג.
מישעל גאָלדבערג איז ווײַט ניט דער ערשטער צו באַמערקן אַזאַ טענדענץ. דער ניו־יאָרקער ייִוואָ האַלט בײַם אָרגאַניזירן אַ פּאַנעל־דיסקוסיע וועגן דעם ווי אַזוי די פּאָליטישע פֿילאָסאָפֿיע פֿונעם „בונד‟ ווירקט הײַנט אויף דער ייִדישער גאַס. אין דער פּראָגראַם, וואָס וועט פֿאָרקומען מאָנטיק, דעם 16טן סעפּטעמבער, וועלן די פּאַנעליסטן אַרומרעדן פֿאַר וואָס ס׳האָט זיך במשך פֿון די לעצטע עטלעכע יאָר פֿאַרשטאַרקט דער אינטערעס צום „בונד‟; ווי אַזוי די פֿילאָסאָפֿיע פֿון דער אָרגאַניזאַציע ווירקט אויף די הײַנטיקע פּאָליטישע אַקטיוויסטן און קולטור־טוערס, און וועגן דעם צוצי פֿון „דאָיִקייט‟ ווי אַן אַלטערנאַטיוו צום ציוניזם.
מיטן פּאַנעל וועט אָנפֿירן דער מומחה וועגן דעם „ייִדישן אַרבעטער בונד‟, דזשעק דזשייקאָבס, וואָס וועט אויך געבן אַן אַרײַנפֿיר צו דער געשיכטע פֿון דער אָרגאַניזאַציע. צווישן די פּאַנעליסטן וועט זײַן די זשורנאַליסטקע מאָלי קראַבאַפּל, וועמענס עסיי אינעם „ניו־יאָרק רעוויו אָוו בוקס‟ פֿאַראַיאָרן וועגן איר עלטער־זיידן און דעם „בונד‟ האָט צוגעצויגן אַ גרויסן אינטערעס צו דער טעמע בײַם ברייטן עולם. (קראַבאַפּל האָט זיך אַגבֿ הײַיאָר געלערנט ייִדיש אין דער ייִוואָ־זומער־פּראָגראַם, כּדי ווײַטער אויסצופֿאָרשן די טעמע.)
עס וועלן זיך אויך באַטייליקן די בונדיסטקע און פּאָעטעסע אירענאַ קלעפּפֿיש,; די קינסטלערין און אַקטיוויסטקע דזשעני ראָמיין און דזשייקאָב פּליטמאַן, דער פֿאַרלעגער פֿון „דשויִש קאָרענטס‟, וועמענס עסיי וועגן דעם גלות־נאַציאָנאַליזם און „בונד‟ אין דער זעלביקער פּובליקאַציע האָט פֿאַראַיאָרן באַקומען אַ סך אויפֿמערק אין דער אַלגעמיינער פּרעסע, און איז אויך זונטיק ציטירט געוואָרן אין מישעל גאָלדבערגס אַרטיקל.
די פּראָגראַם וועט זיך אָנהייבן 7 אַ זייגער. דער אײַנטריט איז בחינם אָבער מע קען זיך רעזערווירן אַן אָרט פֿון פֿריִער.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
