ווידעאָ: ווי איך בין געוואָרן אַן עספּעראַנטיסט אין וואַרשע פֿאַר דער מלחמהVIDEO: How I became a fan of Esperanto in Warsaw before the war
Courtesy of Lithuanian Yiddish Video Archive
אין דעם ווידעאָ דערציילט שׂימחה בורשטיין, אַ וואַרשעווער ייִד, און זײַן פֿרוי עלקע, אַ ביאַליסטאָקערין, וועגן זייער יוגנט פֿאַר דער מלחמה. דאָס פּאָרפֿאָלק וווינט הײַנט אין מעלבורן און זענען אַקטיווע מיטגלידער פֿון דער ייִדישער קהילה דאָרט.
שׂימחה בורשטיין, וואָס האָט זיך געלערנט אין אַ בונדישער שול אין וואַרשע, דערציילט ווי אַזוי ער איז דעמאָלט געוואָרן אַן אָנהענגער פֿון עספּעראַנטאָ; ווער עס זענען געווען זײַנע לערער (צווישן זיי — דער באַקאַנטער פּעדאַגאָג חיים קאַזשדאַן און די פּאָעטעסע קאַדיע מאָלאָדאָווסקי) און פֿאַר וואָס מע האָט אַרײַנגעבראַכט דווקא ווילנער לערער אין דער וואַרשעווער שול.
דער ווידעאָ איז אַ טייל פֿונעם ריזיקן ווידעאָ־אַרכיוו פֿון ייִדיש־רעדער געבוירענע פֿאַר דער מלחמה אין מיזרח־אייראָפּע, צונויפֿגעשטעלט פֿון דוד כּץ.
