„דאָס העמד“ (אַ ליד באַזירט אויף אַן אמתער מעשׂה)‘The Shirt’ (a Yiddish poem based on a true story)
דעם מחברס קוזין איז איינער פֿון די מענטשן וואָס זענען פֿאַרכאַפּט געוואָרן פֿון קיבוץ בארי דעם 7טן אָקטאָבער 2023
דער מחבר, אַסף קירשנער Courtesy of Asaf Kirshner
דער מחבר, אַסף קירשנער, איז די לעצטע צוויי יאָר געווען אַ תּלמיד פֿון דער ייִדיש־פֿאָרשערין ד״ר מרים טרין, אינעם ייִדיש־קלאַס אויפֿן העברעיִשן אוניווערסיטעט אין ירושלים. ער איז שטאַרק פֿאַראינטערעסירט אין דער ייִדישער שפּראַך, געשיכטע און קולטור און באַזונדערש אין לינגוויסטישע אַספּעקטן. ער איז 29 יאָר אַלט און וווינט אין הרצליה און אין ירושלים.
נאָך דעם ווי זײַנער אַ קוזין — אופֿיר ענגעל — איז פֿאַרכאַפּט געוואָרן דעם 7טן אָקטאָבער 2023 פֿון קיבוץ בארי קיין עזה, איז אַסף געוואָרן אַן אַקטיוויסט אין דער בירגער־באַוועגונג וואָס קעמפֿט ביז הײַנט פֿאַר דער באַפֿרײַונג פֿון די פֿאַרכאַפּטע. זײַן קוזין איז באַפֿרײַט געוואָרן דעם 29סטן נאָוועמבער 2023.
101 פֿאַרכאַפּטע — נאָך לעבעדיקע און שוין טויטע — ווערן נאָך אַלץ אַכזריותדיק געהאַלטן געפֿאַנגען אין עזה.
דאָס העמד
(באַזירט אויף אַן אמתער מעשׂה)
שוין אַ יאָר איז פֿאַרבײַ און איך טראָג נאָך דאָס העמד,
אויף וועלכן סע שטייט דײַטלעך „ברענגט זיי צוריק!“
ס’איז אַ טייל פֿון מײַן גוף, מיר זענען נישט פֿרעמד,
ממש פֿון ווען ס׳איז אַרויס פֿון פֿאַבריק.
דאָס העמד איז דאָס זעלבע, נאָר אַנדערש — די צײַט.
אַנטקעגן מיר גייט אַ ייִד פֿון די לײַט.
ער זעט וואָס סע שטייט, ווערט זײַן מויל פֿול מיט ברכות:
„נעם זשע דײַן העמד און וויש זיך דעם תּחת!“
איך שטיי שטום און שטיל, לחלוטין צעמישט,
און שווײַגנדיק טראַכט איך מיט שווערסטן געמיט —
„אויב אַ גוי וואָלט געזאָגט, וואָס דו האָסט געזאָגט,
וואָלטסט דאָך געשריגן: ‘אַנטיסעמיט’!“
אָקטאָבער 2024
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
