„שלום־עליכם־צענטער‟ זאַמלט געלט אויף נייטיקן דאַך־רעמאָנטSholem Aleichem Center Raising Money for Essential Roof Renovation
די הוצאָות פֿון בויען אַ נײַעם דאַך וואָלטן באַנקראָטירט די אָרגאַניזאַציע און געבראַכט אַ סוף צו אירע אָנגעזעענע אַקטיוויטעטן אויף ייִדיש.
Graphic by Angelie Zaslavsky
„גוואַלד!‟
אַזוי האָט געשריבן ד׳׳ר איציק גאָטעסמאַן בײַם לאָזן וויסן דעם עולם אויף פֿייסבוק, אַז דער לאָקאַל פֿונעם „שלום־עליכם־צענטער‟ אין בראָנקס מוז באַקומען אַ נײַעם דאַך.
כּדי צו קענען באַצאָלן דעם נייטיקן רעמאָנט האָט מען לעצטנס לאַנצירט אַ קאַמפּאַניע דורך GoFundMe צו שאַפֿן $20,000. ביזן 25סטן נאָוועמבער האָט מען געזאַמלט אַרום 900$. אין זײַן באַשרײַבונג פֿון דער קאַמפּאַניע, גיט גאָטעסמאַן איבער אַז אָן דער פֿינאַנציעלער שטיצע פֿונעם ברייטן עולם וועט דער „שלום־עליכם־צענטער‟ באַנקראָטירן.
דער לאָקאַל אויף ביינברידזש־עוועניו, וואָס דינט שוין 61 יאָר ווי אַ ייִדישער קולטור־צענטער, איז הײַנט צווישן די איינציקע ערטער מחוץ דער חסידישער וועלט, וווּ מע קען רעגלמעסיק הערן אַ רעפֿעראַט אויף מאַמע־לשון. אַחוץ זײַנע חודשלעכע פּראָגראַמען, אָרדנט דער „שלום־עליכם־צענטער‟ אײַן אַ וועכנטלעכן שמועסקרײַז און אַ יערלעכן קלעזמער־פֿעסטיוואַל.
דער בנין איז דער אַמאָליקער לאָקאַל פֿון דער „שלום־עליכם־פֿאָלקסשול 21‟, וווּ גאָטעסמאַן און אַ ריי אַנדערע באַקאַנטע פּערזענלעכקייטן אויף דער ייִדישער גאַס האָבן קינדווײַז זיך באַקענט מיט די מײַסטערווערק פֿון דער ייִדישער ליטעראַטור און מיט דער ייִדישער געשיכטע — אַלץ אויף ייִדיש.
אַחוץ הונדערטער ייִדישע ביכער געפֿינען זיך אינעם בנין צענדליקער אוניקאַלע פּאָרטרעטן פֿון ייִדישע שרײַבער, אַרײַנגערעכנט ריזיקע בילדער פֿון שלום־עליכם און י. ל. פּרץ.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
