עטלעכע פֿון אונדזערע באַליבטסטע קאָראָנאַווירוס־וויצןSome of our favorite Jewish coronavirus memes
אָט זענען עטלעכע וויצן פֿון דער אינטערנעץ וואָס קענען אײַך העלפֿן לאַכן פֿון די צרות, צי איר קאַרענטירט זיך אַליין, צי נישט.
Image by Instagram
צוליב דער פֿאַרשפּרייטונג פֿון דער קאַראָנאַווירוס־מגפֿה האָט מען שוין געשלאָסן אוניווערסיטעטן און ביוראָען, און ווי אַ פּועל־יוצא מוזן ס׳רובֿ מענטשן איצט אַרבעטן פֿון דער היים.
בײַ ייִדן איז די ווירקונג געווען אַ ספּעציעל שטאַרקע. פּורים האָט מען געפּראַוועט אָן דער געוויינטלעכער שׂימחה; רײַזע־פּלענער לכּבֿוד פּסח האָט מען געדאַרפֿט אַנולירן און דעם פֿאַרגאַנגענעם שבת זענען ס׳רובֿ שילן אין ניו־יאָרק און טיילן פֿון ניו־דזשערזי געבליבן פֿאַרמאַכט.
מיר, ייִדן, האָבן זיך אָבער תּמיד געגעבן אַן עצה בעת די שווערע צײַטן — דורך הומאָר. אָט זענען עטלעכע וויצן אויף דער אינטערנעץ וואָס קענען אײַך העלפֿן לאַכן פֿון די צרות, צי איר קאַרענטירט זיך אַליין, צי נישט.
As a public service during this pandemic, the Forward is providing free, unlimited access to all coronavirus articles. If you’d like to support our independent Jewish journalism, click here to make a donation.
געוויסע ייִדן קלערן, לכּבֿוד דעם פּסח־סדר פֿון 2020, צו ענדערן אויף דערווײַל איינע פֿון די באַקאַנטסטע טראַדיציעס אין דער הגדה:
קדש
ורחץ
קרפּס
ורחץ
יחץ
ורחץ
מגיד אאַז״וו…
־ דן מאָסקאָוויץ
־־־־־־־־־־־־־־־־־
אַ מאַסקע צו פֿאַרהיטן דעם ווירוס קען גלײַגכצײַטיק דינען אַ צווייטע פֿונקציע פֿאַר ייִדן, ווי מע קען זען פֿון דעם ווידעאָ אַרויסגעלאָזט פֿון דער מסורתי־שיל „בית שושנה‟ אין האָלאַנד:
Jewish innovation, amidst the breakout of the Corona Virus… pic.twitter.com/wSz2yrEs5i
— Yoni Michanie (@YoniMichanie) March 4, 2020
־־־־־־־־־־־־־־־־־־־
איר ווייסט וואָס ס׳וואָלט געדאַרפֿט זײַן דער פּאָפּולערסטער פּראָדוקט אין סופּערמאַרק?
מצה!
ערשטנס, ווערט זי נישט קאַליע; זי קען זיך האַלטן יאָרן לאַנג.
צווייטנס, זעטיקט זי דעם הונגער.
ואַחרון אַחרון חבֿיבֿ, ווי מיר ווייסן, שאַפֿט זי אָפֿט אַ האַרטן מאָגן, אַזוי אַז מע מע קען זיך באַגיין מיט ווייניקער אשר־יצר פּאַפּיר.
־־־־־־־־־־־־־־־־־־־־
דער ישׂראלדיקער געזונט־מיניסטעריום רופֿט אַלע בירגער זיך נישט צו קושן, זיך נישט אַרומצונעמען און אויסצומײַדן אַלע אַנדערע פֿיזישע אויסדרוקן פֿון ליבשאַפֿט.
אַשכּנזים, איר קענט זיך פֿירן ווײַטער ווי געוויינטלעך.
־ אילון לוי
־־־־־־־־־־־־־־־־־־־ דער ישׂראלדיקער הויפּט־רבֿ האָט געעצהט אַז מע זאָל נישט קושן קיין מזוזות אָבער געוויסע ייִדן גיבן זיך שוין אַן עצה:
Image by Instagram
A message from Forverts editor Rukhl Schaechter
I hope you appreciated this article. Before you move on, I wanted to ask you to support the Forverts' 127-year legacy — and its bright future.
In the past, the goal of the Forverts was to Americanize its readers, to encourage them to learn English well and to acculturate to American society. Today, our goal is the reverse: to acquaint readers — especially those with Eastern European roots — with their Jewish cultural heritage, through the Yiddish language, literature, recipes and songs.
Our daily Yiddish content brings you new and creative ways to engage with this vibrant, living language, including Yiddish Wordle, Word of the Day videos, Yiddish cooking demos, new music, poetry and so much more.
— Rukhl Schaechter, Yiddish Editor
