חסידישער דאָקטער פֿאַר די סאַטמערער חסידים בעט זיך: בלײַבט אין דער היים!Hasidic doctor of the Satmar community is urging everyone: Stay home!
לויט די טעסטן וואָס ער האָט שוין צוריק באַקומען וועלן טויזנטער פֿרומע ייִדן אין אפסטייט ניו־יארק אין גיכן זיך אָנשטעקן מיטן קאָראָנאַ־ווירוס.
Image by Getty Images
דער קרית יואל הויפט דאקטער ר’ יוסל וולאדימור זעלענקא הי”ו בעט זיך צו יעדן מען זאל אויפהערן זיין א טייל פון די מאסן מארד מגיפה.
ער מאכט א דאקטוירישן חשבון אז לויט די טעסטס וואס ער האט שוין צוריק באקומען וועלן טויזענטער מענטשן ביים היימישן עולם אין אפסטייט ניו־יארק אין די נאנטע טעג זיך אנשטעקן מיטן קאראנאווירוס!
דאקטער זעלענקא דינט אלס דער הויפט אפיציעלער דאקטער פון די סאטמערער שטאט אין אפסטעיט ניו יארק קרית יואל — palm tree אויף ענגליש. ער איז זעלבסט א חב”ד לובאוויטשער חסיד, קומט פון ראטן פארבאנד אבער איז געווארן א בעל תשובה דורך די סאטמערער אידן וואס זענען געווען זיינע פאציענטן בעפאר ער איז געווארן פרום. דעריבער ווערט ער גערופן דר. זעלענקא אין קורצן ווייל ער איז ווי א טאטע מאמע פאר זיינע פאציענטן. מען לאדענט אים איין צו עסן ביי די סאטמערער שטובער און איז משפחה מיט אלע איינוואוינער דארטן.
מיר חסידים הערן זיך נאר צו צו די רבנים אבער די תורה זאגט ורפאו ירפא, אז דער דאקטער האט א כוח פון אייבערשטן צו היילן די קראנקע מער פון די רבנים. דעריבער מוז מען זיך צוהערן צום דאקטער מער ווי צו דער רב. קיין איין רב האט נאך נישט דערקלערט נישט ארויסצוגיין פון שטוב, אפילו אינגע געזונטע אידן. דאס איז אבער א דאקטער וואס באפעלט: בלייב אין שטוב, אפילו ביסט געזונט! ווייל אנדערע קענען דאס באקומען פון דיר. דעריבער מוז יעדער רב מבטל זיין זיין דעת פאר דעם דאקטער זעלענקא.
דאס איז פריער פארשפרייט געווארן נאר פאר זיינע טויזענטער פאציענטן אבער מען מוז דאס פארשפרייטן פאר אלע אידן ווייל זיין נאמען איז באקאנט און רעספעקטירט אין די גאנצע חסידישע וועלט.
הערט זיך גוט צו צו וואס דאקטער זעלענקא זאגט אונדז:
ער מאכט דעם ארגומענט אז קרית יואל באשטייט בלויז פון איין מייל אויף איין מייל און עס וואוינען דארטן אן ערך 35 טויזענט נפשות. במילא האט דער ווירוס מער א שאנס זיך אריבערכאפן איינע צום אנדערן ווי סיי אימער די וועלט ווייל אזוי סאך מענטשן וואונען אזוי צוזאם געשטופט. טאקע דערפאר קען דער ווירוס זיך גרינגער אריינכאפן אין מערערע הייזער, און ווען ער כאפט זיך אריין אין א בעל חי’ ווי א מענטש קען ער אנשטעקן די קינדער וואס קענען דאס פארשפרייטן ווייטער צו די עלטערע לייט איבער 60 יאר און צו די וואס ליידן פון יענע מחלה.
ביטע מיטטיילן דעם ווידיא ווייל אסאך חסידים דארפן איצט רחמי שמים, זיי ראנגעלן זיך ממש מיט’ן לעבן. דעם שבת האט מען נאך געמאכט מנינים ווען ס’איז קלאר אז יעדער דארף איצט דאווענען ביחידות אין דער היים.
יא, דער זעלבער אייבערשטער וואס הייסט אונז דאווענען מיט א מנין וויל איצט בפירוש אז מיר זאלן אלע דאווענען ביחידות!
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
