הרבֿ יעקבֿ פּערלאָוו, נאָווימינסקער רבי און ראָש פֿון אַגודת־ישׂראל, ניפֿטר געוואָרן פֿון קאָראָנאַ־ווירוסRabbi Yaakov Perlow, Noviminsker Rebbe and head of Agudath Israel, has died of COVID-19
אַן אייגנאַרטיקע פֿיגור, האָט ער געדינט ווי אַ בריק צווישן די ליטווישע און חסידישע וועלטן און די הויכע פֿענצטער פֿון דער אַמעריקאַנער פּאָליטיק.
Graphic by Angelie Zaslavsky
הרבֿ יעקבֿ פּערלאָוו, דער לאַנגיאָריקער ראָש פֿון אַגודת־ישׂראל און רבי פֿון די נאָווימינסקער חסידים, איז נעכטן געשטאָרבן אין עלטער פֿון 88 יאָר צוליבן קאָראָנאַ־ווירוס.
אַ וואָך איידער ער איז קראַנק געוואָרן, בעת אַנדערע רבנים האָבן נאָך אַלץ ניט פֿאַרשטאַנען די גרויסע סכּנה פֿונעם קאָראָנאַ־ווירוס, האָט ער אַרויסגעלאָזט אַ ווידעאָ, אין וועלכן ער בעט דעם עולם זיך צו באַשיצן דורכן לערנען תּורה אין דער היים און דאַוונען ביחידות.
Message from the Novominsker Rebbe Shlita, Rosh Agudas Yisroel
“We cannot behave the way we did last week or two weeks ago. We’re told that the halacha (Jewish law) that we must listen to doctors, whether it’s about a sick person or Yom Kippur” pic.twitter.com/XUO4djPp8M
— Simcha Eichenstein (@SEichenstein) March 20, 2020
אין נאָרמאַלע אומשטענדן וואָלט זײַן לוויה געווען אַ ריזיקע. צוליב דער סכּנה, אַז אַ גרויסער עולם אָבֿלים קאָן אָנגעשטעקט ווערן מיטן ווירוס, האָט זײַן משפּחה געבעטן מע זאָל טרויערן אויף אים בײַ זיך אין דער היים. די לוויה האָט מען טראַנסמיטירט דורכן טעלעפֿאָן.
הרבֿ פּערלאָוו איז געווען אַן אוניקאַלע פֿיגור אויף דער חרדישער גאַס. ער האָט געדינט ווי אַ בריק צווישן פֿאַרשידענע פֿרומע און וועלטלעכע קרײַזן. אַן אַמעריקאַנער געבוירענער רבֿ וואָס האָט באַקומען אַ דיפּלאָם מיט אויסצייכענונגען פֿון ברוקלין־קאַלעדזש, האָט ער זיך אויך געלערנט אין די חשובֿסטע ישיבֿות סײַ אין דער ליטווישער וועלט, סײַ אין דער חסידישער.
אַ זון פֿונעם נאָווימינסקער רבין און אַן אייניקל פֿון הרבֿ יצחק זעליג מאָרגנשטערן, אַ גרינדער פֿון אַגודת־ישׂראל אין פּוילן, האָט הרבֿ פּערלאָוו געהאַט אַ גרויסן חסידישן ייִחוס סײַ ווי אַ רביש קינד, סײַ ווי אַן אָפּשטאַמיקער פֿון וויכטיקע עסקנים און פֿירער פֿון דער תּורה־וועלט. ער האָט אָבער צום מערסטן געלערנט אין ליטווישע ישיבֿות, אַרײַנגערעכנט דער בית־מדרש גבֿוה אין לייקוווּד.
נאָכן פֿאַרענדיקן זײַנע לימודים אין ברוקלין־קאַלעדזש און זײַן תּורה־לערנען אין לייקוווּד, האָט ער אָנגענומען אַ פּאָסטן ווי אַ לערער אינעם ”היברו טעאָלאָגישן קאָלעדזש“ אין סקאָקי, אילינוי, אַ מאָדערן־אָרטאָדאָקסישע מיטלשול וואָס איז במשך פֿון די יאָרן געוואָרן אַלץ פֿרימער. ער איז דערנאָך געוואָרן דער ראָש־ישיבֿה פֿון „ברויערס ישיבֿה‟ אין וואַשינגטאָן־הײַטס, נ״י — אַ שטעלע וואָס ער האָט אָנגעהאַלטן ביז 1981, ווען ער האָט באַשלאָסן צו גרינדן זײַן אייגענע ישיבֿה אין באָראָ־פּאַרק. צו דער זעלביקער צײַט האָט ער ווײַטער אָנגעפֿירט מיטן נאָווימינסקער חסידות, וואָס ער האָט איבערגענומען נאָך דעם ווי זײַן פֿאָטער איז אַוועק אין 1976.
אַ לאַנגיאָריקער מיטגליד פֿון דער ”מועצת גדולי התּורה“ בײַם אַגודת־ישׂראל, איז ער געוואָרן דער פּרעזידענט פֿון דער אָרגאַניזאַציע אין 1998. אין דער ראָלע איז ער געווען מער אָפֿן מיט זײַנע מיינונגען וועגן פֿאַרשידענע ענינים ווי ס׳רובֿ פֿון זײַנע פֿאָרגייער. ער האָט, למשל, באַזוכט וואַשינגטאָן משתּדל צו זײַן בײַ קאָנגרעסלײַט און פּרעזידענטן און איז געוואָרן אַ חבֿר פֿון עטלעכע קאָנסערוואַטיווע רעפּובליקאַנער סענאַטאָרן. ער האָט אויך ניט מורא געהאַט אויסצודריקן מיינונגען וועגן דער חרדישער געזעלשאַפֿט; ער האָט, למשל, ניט געהאַלטן פֿון לוקסוס און האָט אָפֿט קריטיקירט די טענדענץ אויף דער פֿרומער גאַס צו פּראַווען שׂימחות אויף אַ גראַנדיעזן אופֿן.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
