קיין חידוש איז עס ניט, וואָס שיין בייקער, דער אַקטיאָר און דירעקטאָר פֿונעם „ייִדישן קולטור־קאָנגרעס“, קען סײַ פֿאַרווײַלן אַן עולם, סײַ צונויפֿשטעלן אַ געראָטענע פּראָגראַם מיט אַנדערע אַרטיסטן. אָבער דאָס אָרגאַניזירן אַ פּראָגראַם מיט אויפֿטריטן פֿון מענטשן אין זעקס קאָנטינענטן און פֿאַרזיכערן, אַז אַלצדינג זאָל גיין ווי געהעריק דורך „זום“, איז אָבער אַ שווערערע עובֿדה. עס איז אים אָבער טאַקע געלונגען — דער אָוונט לזכר שלום־עליכמען האָט אין אַ סך מאָמענטן אויסגעזען ממש ווי אַ טעלעוויזיע־פּראָגראַם, וואָס גייט הין און צוריק פֿונעם סטודיאָ צו מענטשן וואָס רעדן דירעקט פֿון פֿאַרשידענע עקן וועלט. און דער ספּעקטאַקל האָט טאַקע אויסגענומען בײַם עולם. ביז אַהער האָבן מער ווי 13,000 מענטשן אים געקוקט אויף פֿייסבוק, אַ ריזיקע צאָל פֿאַר אַ פּראָגראַם, וואָס איז אין גאַנצן אויף מאַמע־לשון.

די פּראָגראַם, וואָס איז באַשטאַנען פֿון ליטעראַרישע פֿאָרלייענונגען פֿון שלום־עליכמס ווערק און לידער פֿון מאַרק וואַרשאַווסקי, האָט אַרײַנגענומען אַ ריי אימפּאָנירנדיקע אויפֿטריטן (דאָס אויפֿטרעטן פֿאַר אַ קאָמפּיוטער־עקראַן ווען מע קען ניט זען דעם עולם איז דווקא ניט קיין גרינגע זאַך!). ספּעציעל אויסגעצייכנט, ווי תּמיד, איז געווען די ערשטע דאַמע פֿון דער ישׂראלדיקער בינע, ליִאַ קעניג, וואָס איז ממש מגולגל געוואָרן אין שלום־עליכמס אַ העלדינע בשעת זי האָט רעציטירט דעם מאָנאָלאָג „דאָס טעפּל“. די אַקטריסע, וואָס איז באַקאַנט דעם ייִנגערן דור אַמעריקאַנער אַ דאַנק איר שפּילן אין דער ישׂראלדיקער טעלעוויזיע־פּראָגראַם ”שטיסל“, האָט דערקלערט דעם עולם ווי רירנדיק עס איז פֿאַר איר, וואָס מע האָט אין אַזאַ צײַט אָרגאַניזירט אַ פּראָגראַם אויף מאַמע־לשון.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

אין דער פּראָגראַם זענען אויפֿגעטראָטן אַ ריי באַקאַנטע אַקטיאָרן פֿון דער ייִדישער בינע — מענדי כּהנא האָט רעציטירט „ווען איך בין ראָטשילד“, מײַק בורשטיין האָט פֿאָרגעלייענט אַ קאַפּיטל „מאָטל פּייסע דעם חזנס“, עלינאָר ריסאַ האָט פֿאָרגעלייענט „קורץ־פֿרײַטיק און שבת־הגדול“, רפֿאל גאָלדוואַסער האָט פֿאָרגעלייענט שלום־עליכמס עפּיטאַף, און מרים־חיה סגל האָט געזונגען שלום־עליכמס ”איך וויל ניט גיין אין חדר“. דער שרײַבער מײַק וועקס האָט פֿאָרגעלייענט שלום־עליכמס צוואה.

אינעם מוזיקאַלישן טייל פֿון פּראָגראַם זענען אויפֿגעטראָטן זינגער און מוזיקער פֿון ניו־יאָרק, ריאָ דע דזשאַנעראָ, קייפּטאַון, טאָקיאָ, בערלין אין תּוך — פֿון אַלע זעקס באַוווינטע קאָנטינענטן.

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount