אינטערנאַציאָנאַלער קאָנקורס פֿאַר נײַע ייִדישע לידער און קלעזמער־מוזיקInternational contest for Yiddish song and klezmer music
דער בראַזיליאַנער פֿעסטיוואַל „קלעזטיוואַל“ וועט צוטיילן פּרעמיעס ביז $1,000 פֿאַרן בעסטן נײַ־געשאַפֿענעם ייִדישן ליד.
Image by Kleztival
דער בראַזילאַנער פֿעסטיוואַל „קלעזטיוואַל“ — דער גרעסטער פֿעסטיוואַל פֿון ייִדישער מוזיק אין דרום־אַמעריקע — לאַנצירט הײַיאָר אַן אינטערנאַציאָנאַלן קאָנקורס, „די באָבע־פּרעמיעס“, וואָס וועט אָנערקענען דאָס בעסטע נײַע ייִדישע ליד, די בעסטע נײַע קלעזמער־קאָמפּאָזיציע און דעם בעסטן נײַעם ייִדישן מוזיק־ווידעאָ.
די פּרעמיעס וועלן צוגעטיילט ווערן בשעתן פֿעסטיוואַל „קלעזטיוואַל“, וואָס וועט פֿאָרקומען פֿונעם 17טן ביזן 26סטן אָקטאָבער.
די דירעקטאָרין פֿונעם פֿעסטיוואַל, די סאַן־פּאַולער זינגערין און קאָמפּאָזיטאָרין ניקאָל באָרגער, האָט געזאָגט: „ווי קען מען שאַפֿן נײַע ייִדישע לידער און קלעזמער־קאָמפּאָזיציעס ווען אַלע זענען פֿאַרשפּאַרט בײַ זיך אין דער היים? אַוודאי מיט אַ קאָנקורס! מיר האָפֿן, אַז אַרטיסטן און מוזיקער פֿון איבער דער וועלט וועלן זײַן פּונקט אַזוי באַגײַסטערט ווי מיר.“ דער קאָנקורס איז אָפֿן פֿאַר אַלע, און די אָרגאַניזירער האָפֿן דורך אים צו דערמוטיקן דעם עולם צו שאַפֿן ייִדישע לידער און קלעזמער־מוזיק.
פֿאַרן קאָנקורס וועט מען בלויז באַטראַכטן יענע ווערק, וואָס מע האָט געשאַפֿן במשך פֿונעם יאָר 5780 (סעפּטעמבער 2019 ביז אויגוסט 2020). דאָס ליד קען זײַן פֿילשפּראַכיק, אָבער מוז אַרײַננעמען אַ סטראָפֿע צי רעפֿרען אויף ייִדיש. די מוזיקאַלישע קאָמפּאָזיציעס מוזן זײַן אײַנגעפֿונדעוועט אין דער קלעזמער־טראַדיציע, ניצנדיק ייִדישע גאַמעס, טעמעס און ריטעם. די נײַע מוזיק־ווידעאָס קענען אַרײַננעמען סײַ אַלטע, סײַ נײַע לידער פֿון וועלכן זשאַנער עס זאָל ניט זײַן, אַבי דער ווידעאָ אַליין איז געשאַפֿן געוואָרן אינעם יאָר 5780.
די געווינער וועלן אויסגעקליבן ווערן סײַ דורך אַ זשורי, סײַ דורך אַ פּאָפּולערער אָפּשטימונג. מע וועט אויך צוטיילן פּריזן פֿאַר די בעסטע ווערק פֿון לאַטײַן־אַמעריקע. די געווינער וועלן באַקומען פּרײַזן פֿון $200 ביז $1,000.
לידער, קאָמפּאָזיציעס און ווידעאָס קען מען אַרײַנשיקן ביזן 31סטן אויגוסט. נאָך אינפֿאָרמאַציע, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
