קאָנצערט וועט ווידער באַקענען דעם עולם מיט פֿאַרגעסענער ייִדישער קלאַסישער מוזיקConcert will reintroduce forgotten classical Jewish music
יואל ענגעלס קאָמפּאָזיציעס, וואָס האָבן שטאַרק משפּיע געווען אויף די רוסיש־ייִדישע קאָמפּאָזיטאָרן, זענען שיִער ניט פֿאַרגעסן געוואָרן.
Image by YIVO Institute for Jewish Research
דער ניו־יאָרקער ייִוואָ אָרדנט אײַן אַ קאָנצערט פֿון די ערשטע קלאַסישע קאָמפּאָזיציעס אַרײַנצונעמען ייִדישע פֿאָלקסלידער.
דאָ גייט אַ רייד וועגן יואל ענגעלס „ייִדישע פֿאָלקסלידער“ — 20 קלאַסישע ווערק געשאַפֿן פֿאַר פּיאַנע און קול, וואָס האָבן שטאַרק געווירקט אויף דער ייִדישער מוזיק אין רוסלאַנד, אָבער זענען הײַנט אין גאַנצן פֿאַרגעסן געוואָרן בײַם ברייטן עולם. עס עקסיסטירט ניט אַפֿילו קיין פּראָפֿעסיאָנעלע רעקאָרדירונג פֿון די לידער ווי אַ גאַנצקייט.
אינעם קאָנצערט, וואָס וועט פֿאָרקומען דינסטיק, דעם 10טן נאָוועמבער, 1:00 ניו־יאָרקער צײַט, וועלן די זינגערין לוסי פֿיץ גיבאָן און דער פּיאַניסט רײַען מאַקעוווי מאַקעלאַ אויפֿפֿירן דעם גאַנצן קאָמפּלעט לידער. די פּראָגראַם ווערט פֿאָרגעשטעלט ווי אַ טייל פֿון דער „קאָנצערט־סעריע פֿאַר יונגע מוזיקער לזכר סידני קראָם“.
כאָטש ענגעלס קאָמפּאָזיציעס, וואָס וועלן אויפֿגעפֿירט ווערן אינעם קאָנצערט, זענען מער ניט באַקאַנט, האָבן זיי אינספּירירט אַ סך קאָמפּאָזיטאָרן פֿון דער „פּעטערסבורגער געזעלשאַפֿט פֿאַר ייִדישער פֿאָלקסמוזיק“ בײַם אָנהייב פֿונעם 20סטן יאָרהונדערט. די קאָמפּאָזיטאָרן האָבן אַרויסגעגעבן אַ סך ענלעכע קאָמפּאָזיציעס, וואָס מע שפּילט עד־היום. זייער מוזיק האָט אויך שטאַרק משפּיע געווען אויף דער קלאַסישער מוזיק אין ישׂראל.
יואל ענגעל, אַן אַדוואָקאַט וואָס איז געוואָרן אַ פֿולצײַטיקער קאָמפּאָזיטאָר נאָך דעם וואָס פּיאָטר טשײַקאָווסקי האָט אים איבערגערעדט זיך צו פֿאַרשרײַבן אין אַ קאָנסערוואַטאָריע, האָט געהאַט אַ פֿילפֿאַרביק לעבן. ער איז געוואָרן סײַ אַן אָנערקענטער קאָמפּאָזיטאָר פֿון קלאַסישער מוזיק, סײַ דער הויפּטעקספּערט פֿון ייִדישער פֿאָלקסמוזיק אין דער רוסישער אימפּעריע. צווישן זײַנע באַרימטע ווערק האָט ער קאָמפּאָנירט אַ טייל פֿון דער מוזיק פֿאַר דער אויפֿפֿירונג פֿון „דער דיבוק“ בײַם טעאַטער, „הבימה“, וואָס איז דעמאָלט נאָך אַלץ געווען אין רוסלאַנד.
ענגעל האָט אויך געפֿירט אַ לאַנגיאָריק מחלוקת מיט שלום־עליכמען וועגן דעם פּאָעט מאַרק וואַרשאַווסקי, מחמת, אין פֿאַרגלײַך מיט שלום־עליכמס מיינונג, האָט ענגעל געהאַלטן אַז וואַרשאַווסקיס לידער, ווי „אויפֿן פּריפּעטשיק“, קלינגען ניט ווי קיין אויטענטישע פֿאָלקסלידער.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
