וואָכנדיקער לייענקרײַז מיט חנה נאָריך געווידמעט קורצע דערציילונגעןWeekly Yiddish reading circle with Anita Norich to focus on short stories
מע וועט אויסקלײַבן די ווערק וואָס מע וועט לייענען לויט די אינטערעסן פֿון די סטודענטן.
חנה נאָריך, אַן עמעריטירטע פּראָפֿעסאָרין פֿון דער ייִדישער ליטעראַטור, וועט במשך פֿון צען וואָכן אָנפֿירן מיט אַ לייענקרײַז פֿאַר ווײַטהאַלטער. יעדע וואָך וועט מען לייענען אַן אַנדער דערציילונג אויף מאַמע־לשון און אים אַרומרעדן אויף ייִדיש און ענגליש.
דער קלאַס ווערט דורכגעפֿירט ווי אַ טייל פֿונעם ייִוואָס פֿרילינג־זמן. דער לייענקרײַז וועט זיך טרעפֿן יעדן זונטיק, 5:00 נאָך מיטאָג ניו־יאָרקער צײַט, פֿונעם 7טן מאַרץ ביזן 23סטן מײַ. דער שׂכר־לימוד איז $175 פֿאַר פֿולצײַטיקע סטודענטן, $275 פֿאַר ייִוואָ־מיטגלידער און $350 פֿאַרן ברייטן עולם. כּדי זיך צו פֿאַרשרײַבן, גיט אַ קוועטש דאָ.
אין דער ערשטער וואָך וועט מען לייענען אַ דערציילונג פֿון י. ל. פּרץ. דערנאָך וועט מען יעדע וואָך אויסקלײַבן אַן אַנדער ווערק לויטן אינטערעס פֿון די סטודענטן.
חנה נאָריך איז באַקאַנט פֿאַר אירע פֿאָרשונגען וועגן דער ייִדישער ליטעראַטור און אירע ביכער וועגן ישׂראל יהושע־זינגער, ייִדישע שרײַבער אין אַמעריקע בשעתן חורבן, ווי אַזוי מע זעצט איבער ייִדישע ביכער און איר אייגענע איבערזעצונג פֿון קאַדיע מאָלאָדאָווסקיס אַ ראָמאַן. זי האָט אויך נאָך אַ גרויסע זאַך אויפֿגעטאָן: זי האָט לאַנצירט די ייִדיש־פּראָגראַם בײַם מישיגענער אוניווערסיטעט.
זינט דער ייִוואָ האָט, צוליב דער מגפֿה, געדאַרפֿט שליסן די טירן, איז ממשותדיק געוואַקסן די צאָל סטודענטן וואָס נעמען אָנטייל אין זײַנע קלאַסן. באַזונדערס מערקווערדיק איז די צאָל מענטשן וואָס לערנען זיך איצט ייִדיש בשעתן ווינטער־זמן. זי איז געוואַקסן מיט מער ווי 500% אין פֿאַרגלײַך מיט פֿאַראַיאָרן.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
