אויסשטעלונג פֿון קאַרטונען אינספּירירט פֿון דער ייִדישער קולטורExhibit of cartoons inspired by Yiddish culture
צווישן די צייכענונגען וואָס מע קען איצט זען: קאָמיקסן וואָס שילדערן ייִדישע שפּריכווערטער
Graphic by Angelie Zaslavsky
לייענט דעם אַרטיקל אויף ענגליש
כּדי צו ווײַזן די השפּעה וואָס די ייִדישע שפּראַך, ליטעראַטור און קולטור האָט געהאַט אויף די ישׂראלדיקע קאַרטוניסטן, האָט די „נאַציאָנאַלע אַסאָציאַציע פֿון קאַריקאַטוריסטן און קאָמיקס־קינסטלער“ אין ישׂראל לעצטנס געעפֿנט אַ נײַע אויסשטעלונג אינעם נאַציאנאַלן קאַריקאַטור־מוזיי אין חולון.
די אויסשטעלונג, פֿאַר וועלכער די קאַרטוניסטן נמרוד רשף און רחל אחונוב האָבן אויסגעקליבן די עקספּאָנאַטן, נעמט אַרײַן 63 קאַריקאַטורן. אַ טייל פֿון זיי זענען אַלטע קאַרטונען און צייכענונגען פֿון דער העברעיִשער פּרעסע און אַ טייל זענען נײַע שאַפֿונגען פֿון די לעצטע דרײַ יאָר.
אין 2018 האָט די „נאַציאָנאַלע אַסאָציאַציע פֿון קאַריקאַטוריסטן און קאָמיקס־קינסטלער“ לאַנצירט אַ קאָנקורס צו אינספּירירן קאַרטוניסטן אין ישׂראל, ווי אויך אין אויסלאַנד, צו שאַפֿן נײַע ווערק וואָס פֿאַררופֿן זיך אויף דער ייִדישער קולטור. די „נאַציאָנאַלע אינסטאַנץ פֿאַר ייִדישער קולטור“ האָט אונטערגעשטיצט דעם פֿאַרמעסט, צוזאַמען מיט דער „פֿונדאַציע אויפֿן נאָמען פֿון איציק און זשעניע מאַנגער“. מע האָט אָנגענומען קאַריקאַטורן אינספּירירט פֿון ייִדישע אידיאָמען און פֿון דער ייִדישער קולטור־געשיכטע און ליטעראַטור, ווי אויך אילוסטראַציעס צו באַגלייטן נײַע איבערזעצונגען פֿון ייִדישע קינדערביכער.
Image by Shay Ben Efraim
צווישן די עקספּאָנאַטן געפֿינט זיך אַן אילוסטראַציע פֿון שלמה אַבסעס קינדערביכל „די כעלעמער חכמים און די לבֿנה“ געצייכנט דורכן קאָמיקס־קינסטלער עומר הופמן; קאַריקאַטורן פֿון באַרימטע פּערזענלעכקייטן ווי שלום־עליכם געצייכנט פֿון נעם נדב ) און בילדער פֿון שמעון דזשיגאַן געשאַפֿן דורך יעקבֿ פֿאַרקאַש 1923־2002, אויך באַקאַנט ווי „זאבֿ“, — אַן אונגערישער ייִד פֿון דער שארית־הפּליטה וואָס איז געוואָרן דער הויפּט־קאַרטוניסט פֿאַר דער צײַטונג „האָרץ“.
אַ קאַריקאַטור פֿון שמעון דזשיגאַן געצייכנט דורכן קאַרטוניסט זאבֿ. Image by Israeli National Cartoon Museum
דער אײַנטריט איז 15 שקלים פֿאַר דערוואַקסענע, 10 שקלים פֿאַר סטודענטן און סאָלדאַטן און 7 שקלים פֿאַר זקנים. אָט זענען די שעהען פֿונעם מוזיי:
מאָנטיק און מיטוואָך, פֿון 10:00 אין דער פֿרי ביז 1:00 נאָך מיטאָג
דינסטיק און דאָנערשטיק פֿון 5:00 ביז 8:00 אין אָוונט
שבת — פֿון 10:00 אין דער פֿרי ביז 3:00 נאָך מיטאָג.
דער מוזיי איז פֿאַרמאַכט פֿרײַטיק און זונטיק.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
