מענדי טווערסקיס נײַ ליד „גוט מאָרגן!“ מוטיקט אונדז צו זײַן מער אָפּטימיסטישHasidic singer Mendy Twersky’s new song ‘Good morning!’ gets us to think positive
במשך פֿון פֿיר טעג האָט מען שוין געזען דעם ווידעאָ פֿון טווערסקיס ליד 17,000 מאָל.
Courtesy of Mendy Twerski
דער 21־יאָריקער חסידישער פּאָפּ־זינגער מענדי טווערסקי האָט די וואָך אַרויסגעלאָזט אַ ווידעאָ פֿון זײַן נײַ ליד „גוט־מאָרגן“. ווי זײַנע פֿריִערדיקע מוזיק־ווידעאָס איז דער איצטיקער אויך אַ שלאַגער. במשך פֿון פֿיר טעג האָט מען עס שוין געזען 17,000 מאָל.
די טעמע פֿון ליד איז איינע, וואָס אַלע קענען זיך מיט דעם אידענטיפֿיצירן: וואָס טוט מען אַז מע וועקט זיך אויף אויף דער לינקער זײַט און אַלץ גייט מיט דער פּוטער אַראָפּ? די קאַווע איז זויער; מע וויל גיין זיך שפּריצן, נאָר ס’קומט אַרויס בלויז קאַלט וואַסער. די באַקאַנטע צרהלעך פֿון טאָגטעגלעכן לעבן.
אָבער אַז מע הערט זיך צו צו מענדיס פּשוטן, אָפּטימיסטישן צוגאַנג אַז „מאָרגן וועט זײַן בעסער“, באַגלייט מיט דער גרינגער, כּמעט־פֿאָלקסישער מעלאָדיע און לעבעדיקן ריטעם, גלוסט זיך מיטצוזינגען אָדער, צום ווייניסקסטן, צוקלאַפּן צום טאַקט.
מענדי טווערסקי וווינט הײַנט אין ירושלים אָבער ער איז געבוירן און דערצויגן געוואָרן אין באָראָ־פּאַרק, צוזאַמען מיט זיבן ברידער און צוויי שוועסטער. זײַן משפּחה געהערט צו די בלאָזשעווער (אַרויסגערעדט „בלוזשעווער“) חסידים, וואָס זייער רבי איז ר׳ צבֿי לצדיק. דאָס בלאָזשעווער חסידות איז געגרינדעט געוואָרן דורך ר׳ צבֿי אלימלך שפּירא אינעם פּוילישן שטעטל בלאָזשעוו אין די אָנהייב־1880ער יאָרן. ס׳רובֿ פֿון די בלאָזשעווער חסידים זענען אומגעקומען אינעם חורבן, אָבער די גרופּע איז ווידער אויפֿגעלעבט געוואָרן אין אַמעריקע, אַ דאַנק דעם רבין ר׳ ישׂראל שפּירא, אַליין אַן על־פּי־נס געראַטעוועטן.
(אַ רירנדיקן בריוו צום רבין פֿון אַ בלאָזשעווער חסיד אין לעמבערג, 1941, קען מען לייענען אין דער ענגלישער איבערזעצונג דאָ.)
ווי אַלע אַנדערע וואָס הייסן טווערסקי, איז מענדי אַ מיטגליד פֿון דער אָנגעזעענער רבנישער משפּחה טווערסקי. אינטערעסאַנט איז אָבער אַז אין פֿאַרגלײַך מיט ס׳רובֿ מיטגלידער פֿון דער טווערסקי־דינאַסטיע, וואָס רעדן הײַנט ענגליש (אַפֿילו מענדיס זיידע האָט גערעדט ענגליש מיט זײַן פֿרוי און קינדער) האָט מענדיס טאַטע באַשלאָסן צו דערציִען זײַנע קינדער אין גאַנצן אויף ייִדיש.
נישט געקוקט אויף זײַן מאָדערנעם אויסזען, איז מענדי טווערסקי עד־היום אַ פֿרומער ייִד און לערנט גמרא מיט זײַן חבורה אין ירושלים יעדן טאָג.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
