אַ סוכּות־פּראָגראַם רעקאָרדירט בײַ דער ראַדיאָ־סטאַנציע „דאָבליו־אי־ווי־די“Forward archive: Sukkos program recorded at the radio station WEVD
דער ייִדישער קולטור־טוער מיכל באַראַן און זײַן טאָכטער רות באַראַן לייענען פֿאָר ייִדישע לידער פֿאַרבונדן מיטן יום־טובֿ

Photo by Wikipedia
ראַדיאָ־פּראָגראַם לכּבֿוד סוכּות מיט מיכל באַראַן ז״ל
דער ייִדישער קולטור־טוער און זײַן טאָכטער רות לייענען פֿאָר לידער פֿאַבונדן מיט סוכּות און שׂימחת־תּורה.
ווען דער פֿאָרווערטס האָט נאָך פֿאַרמאָגט די ראַדיאָ־סטאַנציע דאָבליו־אי־ווי־די איז דער קול פֿונעם לאַנגיאָריקן ייִדישער קולטור־טוער מיכל באַראַן ז״ל געווען גוט באַקאַנט בײַ אירע צוהערער. יעדע וואָך האָט ער אין איינעם מיטן דעמאָלטדיקן פֿאַרטרעטער צום שעף־רעדאַקטאָר איציק גאָטעסמאַן צונויפֿגעשטעלט אַ רײַכע פּראָגראַם פֿון נײַעס־באַריכטן, געזאַנג און ליטעראַרישע שאַפֿונגען — אַלץ אויף ייִדיש.
די וואָך איז אויף יוטוב אַרויס אַ רעקאָרדירונג פֿון די 1990ער, וווּ מיכל און זײַן טאָכטער רות באַראַן, איר צו לאַנגע יאָר, לייענען פֿאָר לידער פֿאַרבונדן מיט סוכּות, שׂימחת־תּורה און דער העלדישקייט און לאַנג־דויערדיקייט פֿונעם ייִדישן פֿאָלק בכלל.
דעם ווידעאָ האָט אַרויפֿגעשטעלט דער ייִדישער קולטור־קאָנגרעס.