פֿונעם פֿאָרווערטס־אַרכיוו: אַ טיי וואָס יעדער רוסישער „ליבט‟Forverts Archive: A Tea That Every Russian Loves
דער אַנאָנס זאָגט עדות אויף דעם, אַז דאָס רעקלאַמירן רוסישע פּראָדוקטן איז אין 1918 געווען פּאָליטיש שווער.
Graphic by Angelie Zaslavsky
די דאָזיקע טיי־רעקלאַמע איז אַ מישמאַש פֿון שפּראַכן און אידעאָלאָגיעס. באַצירט פֿון אַ סילועט פֿונעם קרעמל און צוויי מענער וואָס טראָגן קוטשמעס בשעתן טרינקען אַ גלעזל טיי, זאָגט צו די רעקלאַמע אַז דער דאָזיקער טיי האָט אַ טעם, וואָס איז „אוממעגלעך נאָכצומאַכן‟ און וואָס „יעדער רוסישער ליבט‟. מחמת די רעקלאַמע איז געשריבן אויף ייִדיש און איז געדרוקט געוואָרן אינעם פֿאָרווערטס, איז אַזאַ דערקלערונג אַ ביסל קאָמפּליצירט. געוויסע אַמעריקאַנער ייִדן האָבן, אַ פּנים, ליב געהאַט דעם רוסישן טיי, ניט געקוקט אויף דעם, וואָס זיי זענען דווקא אַנטלאָפֿן פֿון רוסלאַנד צוליב פּאָגראָמען.
דערצו, איז דאָס אַרויסווײַזן רוסישקייט אין 1918 געווען אַ היפּש ביסל פּראָבלעמאַטיש. מיט אַ יאָר פֿריִער האָט לענין געשלאָסן אַ שלום־אָפּמאַך מיט די „מיטלמאַכטן‟ כּדי אַרויסצוציִען רוסלאַנד פֿון דער ערשטער וועלט־מלחמה. צוליב דעם וואָס רוסלאַנד איז געווען אַליִיִרט מיט אַמעריקע קעגן די „מיטלמאַכטן‟ מיט דײַטשלאַנד בראָש, זענען, פֿאַרשטייט זיך, די אַמעריקאַנער דעמאָלט ניט געווען אַזוי פֿרײַנדלעך געשטימט צו רוסלאַנד. אפֿשר צוליב דעם דריקט אָפּ די טיי־פֿירמע אַן אַנאָנס, אַז מע זאָל קויפֿן קריגסמאַרקן, כּדי אונטערצושטיצן די אַמעריקאַנער אַרמיי.
פֿאַר דער רוסישער רעוואָלוציע, איז די „פּאָפּאָף‟־פֿירמע געווען איינע פֿון די אָנפֿירנדיקסטע טיי־פֿירמעס אין רוסלאַנד. איר גרינדער, קאָלאָנעל פּאָפּאָף, איז געווען אַ פּיאָנער פֿון דער טיי־קולטיוואַציע אין די קאַווקאַזן. די פֿירמע איז געפֿאַלן אַ קרבן פֿונעם סאָוועטישן רעזשים.
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
