YIVO by the Forward

„ייִוואָ‟־זומער־רעפֿעראַטן אויף ייִדיש קען מען איצט זען „אָנלײַן‟

YIVO Summer Lecture Series in Yiddish Now Online

דעם זומער איז בײַם ניו־יאָרקער „ייִוואָ‟ פֿאָרגעקומען אַ סעריע רעפֿעראַטן אויף מאַמע־לשון אין צוזאַמענהאַנג מיט דער זומער־פּראָגראַם אין ייִדישער שפּראַך און קולטור. כּדי די זומער־פּראָגראַם־סטודענטן זאָלן קענען קומען אויף די רעפֿעראַטן, האָט מען זיי געהאַלטן נאָכמיטאָג. עטלעכע „פֿאָרווערטס‟־לייענער האָבן זיך באַקלאָגט, מחמת זיי אַרבעטן במשך פֿונעם טאָג און האָבן ניט געקענט הערן די רעפֿעראַטן.

לכּבֿוד די וועלכע האָבן פֿאַרפֿעלט די לעקציעס, האָט דער „ייִוואָ‟ לעצטנס אַרויפֿגעשטעלט די גאַנצע סעריע רעפֿעראַטן אויף „יוטוב‟, אַלע זאָלן קענען געניסן דערפֿון. אָט זענען קורצע באַשרײַבונגען פֿון די רעפֿעראַטן, צוזאַמען מיט די פֿאַרבינדונגען צו די ווידעאָס:

ד׳׳ר יודזשין אָרנשטיין גיט אַן איבערזיכט פֿון דער אַנטוויקלונג פֿון דער ייִדישער קולטור פֿון יאָר 1272 ביזן 20סטן יאָרהונדערט. צווישן אַנדערע טעמעס באַשרײַבט ער די ראָלע פֿון פֿרויען בײַם שאַפֿן די ייִדישע ליטעראַטור פֿון מיטל־עלטער, די השפּעה פֿון דער השׂכּלה אויף דער אַנטוויקלונג פֿון דער מאָנדערנער ייִדישער ליטעראַטור און די ראָלע פֿון דער ייִדישער פּרעסע בײַם שאַפֿן די ייִדישע קולטור.

ד׳׳ר איציק גאָטעסמאַן רעדט וועגן דעם אַשכּנזישן פֿאָלקלאָר און דעם אופֿן ווי אַזוי ער שיידט זיך אונטער פֿון דער פֿאָלקלאָר־טראַדיציע בײַ אַנדערע פֿעלקער. אינעם רעפֿעראַט דערקלערט ער אויך ווי אַזוי די ייִדישע פֿאָלקלאָריסטן אין פּוילן און אַמעריקע האָבן געזאַמלט זייער מאַטעריאַל.

ד׳׳ר דניאל סויער רעדט וועגן דער השפּעה פֿון ניו־יאָרק אויף דער ייִדישער ליטעראַטור און וועגן דער ווירקונג פֿון די ייִדיש־רעדנדיקע ייִדן אויף דער שטאָט.

ד׳׳ר דוד בראַון רעדט וועגן דער ייִדישער דיאַלעקטאָלאָגיע און דערקלערט וועגן פֿאַרשידענע טערמינען, וואָס מענטשן באַנוצן צו די כּלערליי וואַריאַנטן פֿון ייִדיש, אַרײַנגערעכנט: „פּאָטייטאָ־ייִדיש‟, „דײַטשמעריש‟, סאָוועטיש־ייִדיש, חסידיש־ייִדיש, גאַליציאַנער/פּויליש־ייִדיש, ליטוויש־ייִדיש, „כּלל־ייִדיש‟ און „ייִוואָ־ייִדיש‟.

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

„ייִוואָ‟־זומער־רעפֿעראַטן אויף ייִדיש קען מען איצט זען „אָנלײַן‟

Thank you!

This article has been sent!

Close