Yiddish Dictionary by the Forward

אַרומנעמיק ענגליש־ייִדיש ווערטערבוך איצט אָנלײַן

Comprehensive English-Yiddish Dictionary Now Online

נאָך אַ פּאָר יאָר האָרעוואַניע און אַ סך טעכנישע פּראָבעס האָט די „ייִדיש־ליגע‟ לעצטנס געלאָזט וויסן, אַז דער דיגיטאַלישער נוסח פֿונעם „אַרומנעמיקן ענגליש־ייִדישן ווערטערבוך‟ קען מען שוין נוצן אָנלײַן. להיפּוך צום געדרוקטן ווערטערבוך, דורך וועלכן מע קען בלויז זוכן ייִדישע עקוויוואַלענטן פֿאַר ענגלישע ווערטער, קען מען אויף דער נײַער וועבזײַט אויך אויסזוכן דעם ענגלישן באַטײַט פֿון ייִדישע ווערטער.

דאָס ווערטערבוך, צונויפֿגעשטעלט דורך גיטל שעכטער־ווישוואַנאַט און ד׳׳ר הערשל גלעזער אויפֿן סמך פֿון ד׳׳ר מרדכי שעכטערס לעקסיקאָגראַפֿישער אַרבעט, באַשטייט פֿון העכער 50,000 איינסן און 33,000 סוב־איינסן. דער פּאַפּירענער נוסח פֿונעם ווערטערבוך, וואָס מע האָט שוין געדרוקט דרײַ אויפֿלאַגעס דערפֿון, קען מען, פֿאַרשטייט זיך, ניט אַזוי גרינג ענדערן אָדער צוגעבן ווערטער. דעם נײַעם דיגיטאַלישן נוסח וועט מען אָבער יאָ קענען דערהײַנטיקן און באַנײַען.

צו ניצן דאָס ווערטערבוך ווייניקער ווי פֿינעף מאָל אַ חודש קאָסט נישט קיין געלט. אַז מע וויל זוכן וויפֿל ווערטער מע וויל נאָר, דאַרף מען באַצאָלן לויטן חודש אָדער לויטן יאָר. כּדי צו האָבן אַ צוטריט צום ווערטערבוך במשך פֿון אַ חודש דאַרף מען באַצאָלן 4 דאָלאַר; אויף דרײַ חדשים — 10 דאָלאַר; אויף אַ יאָר — 25 דאָלאַר, און אויף 2 יאָר — 36 דאָלאַר. פֿאַר סטודענטן זענען די פּרײַזן אַ ביסל ביליקער: 3 דאָלאַר אויף אַ חודש, 8 דאָלאַר אויף דרײַ חדשים, 20 דאָלאַר אויף אַ יאָר און 30 דאָלאַר אויף צוויי יאָר.

דאָס „אַרומנעמיקע ייִדיש־ענגליש ווערערבוך‟ איז ניט דאָס איינציקע ייִדיש־שפּראַכיקע ווערטערבוך פֿונעם 21סטן יאָרהונדערט וואָס מע קען נוצן אָנלײַן. דאָס „אַרומנעמיקע ענגליש־ייִדיש ווערטערבוך‟ רעדאַקטירט פֿון ד׳׳ר חיים באָכנער און ד׳׳ר שלום ביינפֿעלד קען מען נוצן דאָ.

אַרומנעמיק ענגליש־ייִדיש ווערטערבוך איצט אָנלײַן

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

אַרומנעמיק ענגליש־ייִדיש ווערטערבוך איצט אָנלײַן

Thank you!

This article has been sent!

Close