ווידעאָ: 98־יאָריקער אַקטיאָר רעציטירט קאַדיע מאָלאָדאָווסקי אויף אויסנווייניקWATCH: 98-year-old Actor Recites Kadia Molodowsky Poem By Heart
משה־הירש שאַרפֿשטיין, וואָס האָט זיך געלערנט בײַ שלמה מיכאָעלסן, דעקלאַמירט דאָס באַליבטע קינדערליד „אַ מעשׂה מיט אַ מאַנטל‟
Graphic by Angelie Zaslavsky
ניט געקוקט אויף דעם, וואָס ער איז 98 יאָר אַלט (ביז 120) געדענקט דער אַקטיאָר משה־הירש שאַרפֿשטיין נאָך אַלץ אַ גרויסע צאָל מײַסטערווערק פֿון דער ייִדישער ליטעראַטור אויף אויסנווייניק און רעציטירט זיי אויף אַ הויכן קינסטלערישן ניוואָ.
אויבן קען מען זען, ווי ער רעציטירט קאַדיע מאָלאָדאָווסיקס באַליבט קינדערליד „אַ מעשׂה מיט אַ מאַנטל‟. מיט דער הילף פֿון זײַן זון אלי געפֿינט משה־הירש שאַרפֿשטיין הײַנט אַ נײַעם עולם פֿאַר זײַנע רעציטאַציעס דורך יוטוב.
איך האָב זיך ערשט דערוווּסט וועגן דעם לעבעדיקן קולטור־אוצר משה־הירש שאַרפֿשטיין אין יאַנואַר, אַ דאַנק ד׳׳ר דובֿ־בער קערלער.
קערלער, וואָס האָט זיך באַקענט מיט זיי ביידן ווי אַ קינד און זיי פֿאַראַיאָרן באַזוכט אין ישׂראל, האָט מיך געלאָזט וויסן וועגן זיי. (אלי, אַ מוזיקאַלישער וווּנדערקינד, האָט יונגערהייט קאָמפּאָנירט מוזיק צו אַ ליד פֿון קערלערס טאַטן — דעם גרויסן פּאָעט, יוסף קערלער). צו יענער צײַט האָב איך אַרויפֿגעשטעלט אויפֿן פֿאָרווערטס־בלאָג „עונג־שבת‟ אַ ווידעאָ, אין וועלכן משה־הירש שאַרפֿשטיין רעציטירט שלום־עליכמס מאָנאָלאָג „גימנאַזיע‟ און נאָך אַ ווידעאָ אין וועלכן ער רעדט אויף ייִדיש וועגן זײַנע איבערלעבונגען אין דער רויטער אַרמיי בשעת דער צווייטער וועלט־מלחמה.
דורך אַ בריוו־אויסטויש מיטן פֿאָרווערטס האָט אלי שאַרפֿשטיין דערציילט אַז נאָך דעם ווי דער טאַטע האָט געדינט אין אַרמיי האָט ער שטודירט טעאַטער־קונסט מיט שלמה מיכאָעלס, דעם באַרימטן דירעקטאָר פֿונעם „גאָסעט‟־טעאַטער, גלײַך איידער מיכאָעלס איז דערמאָרדעט געוואָרן אויף סטאַלינס באַפֿעל. ערשט נאָך סטאַלינס טויט האָט דער מצבֿ פֿאַר ייִדן אין סאָוועטן־פֿאַרבאַנד זיך אַ ביסל פֿאַרבעסערט און שאַרפֿשטיין איז אין 1956 געוואָרן אַן אַקטיאָר אינעם ווילנער ייִדישן טעאַטער, וווּ ער האָט געשפּילט ביז ער האָט עולה געווען אין 1971.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
