ווידעאָ: חורבן־ליד אָנגעשריבן פֿון אַ 12־יעריק קינדWATCH: Holocaust Song Written By A 12-Year-Old Boy
יוסף בראָווערמאַנס „טולטשין‟ באַשרײַבט דעם גורל פֿון די ייִדן אין זײַן שטעטל אין אוקראַיִנע.
Graphic by Angelie Zaslavsky
דער אַלבאָם „ייִדישע פּראַכט‟, אַ פּראָיעקט פֿון ד׳׳ר אַנאַ שטערנשיס צוזאַמען מיט אַ גרופּע מוזיקער און די זינגער פּסאָי קאָראָלענקאָ און סאָפֿי מילמאַן, האָט באַקאַנט געמאַכט פֿאַרן ברייטן עולם מיט אַ ריי ייִדיש־שפּראַכיקע לידער, וואָס סאָוועטישע ייִדן האָבן אָנגעשריבן בשעתן חורבן.
איינס פֿון זיי האָט אָנגעשריבן דאָס צוועלף־יעריק ייִנגל יוסף בראָווערמאַן אין 1942, בעת ער איז געזעסן אינעם טרויעריק באַרימטן קאָנצענטראַציע־לאַגער פּעטשאָראַ, וווּ ער איז אומגעקומען. אַזוי ווי אַלע ייִדן פֿון זײַן שטעטל טולטשין, האָט בראָווערמאַן געשמאַכט אַ יאָר אינעם פּעטשאָרער געטאָ, איידער מע האָט אים פֿאַרשיקט קיין פּעטשאָראַ. אין זײַן ליד פֿאַרגלײַכט ער דעם בליִענדיקן אַרום פֿון דער שיינער לאַנדשאַפֿט מיט די ייִדן, וואָס גייען אויס פֿון הונגער און קרענק. זײַנע ווערטער ענדיקן זיך מיט אַ צוזאָג, אַז די גאַנצע וועלט וועט באַלד וויסן וועגן דער ייִדישער טראַגעדיע אין פּעטשאָראַ.
בײַ דער סאָוועטישער צענזור איז בראָווערמאַנס לעצטע שורה ניט געווען גענוג קעמפֿעריש; האָט מען צוגעגעבן אַ סטראָפֿע, אין וועלכער דער נאַראַטאָר רופֿט זײַנע ברידער צו מאַכן אַן אויפֿשטאַנד מיט ביקסן אין די הענט. די לעצטע סטראָפֿע פּאַסט אין גאַנצן ניט צו צום רעשט פֿונעם ליד, אָבער אַזוי איז ער פֿאַרבליבן.
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
