פֿאָרווערטס און מאַנהעטן־„דזשיי־סי־סי‟ וועלן פֿירן חנוכּה־זינגערײַ אויף ייִדישForverts and Manhattan JCC To Lead Yiddish Hanukkah Sing-Along
די רעדאַקטאָרין שׂרה־רחל שעכטער און ייִדיש־לערערין שיינע לעווין וועלן צינדן די ליכט און זינגען לידער ווי „אָ איר קליינע ליכטעלעך‟ .
Graphic by Angelie Zaslavsky
צום צווייטן חנוכּה־ליכטל — מאָנטיק, דעם 23סטן דעצעמבער, פֿינף אַ זייגער אין אָוונט — וועט די פֿאָרווערטס־רעדאַקטאָרשע שׂרה־רחל שעכטער און שיינע (סוזען) לעווין צינדן די חנוכּה־ליכט אין אַן עפֿנטלעכער צערעמאָניע בײַם „דזשיי־סי־סי‟ (ייִדישן קולטור־צענטער) אין מאַנהעטן און דערנאָך וועלן זיי אָנפֿירן מיט געזאַנג בציבור פֿון חנוכּה־לידער אויף ייִדיש. צווישן די לידער וועלן אויך זײַן יענע וואָס מע האָט דורות לאַנג געזונגען אין די ייִדישע שולן, ווי „אָ איר קליינע ליכטעלעך‟ און „ברוך אַתּה‟.
די אונטערנעמונג וועט פֿאָרקומען בײַם „ייִדישן קהילה־צענטער אויפֿן נאָמען פֿון מערילין מײַערסאָן‟ אויפֿן אָפּער־וועסט־סײַד. בײַ דער געלעגנהייט וועט מען אויך עסן פּאָנטשקעס און אַנדערע מעדנים.
געזאַנג־בויגנס וועלן אויסגעטיילט ווערן צוצוהעלפֿן די מענטשן אין עולם וואָס קענען אָדער געדענקען נישט דעם טעקסט פֿון די לידער.
כּדי צו ווערן אַ שטיצער פֿונעם פֿאָרווערטס און זיך דערוויסן וועגן אַנדערע פּראָגראַמען אַזעלכע, פֿאַרבינט זיך מיט ראָבי קאַפּלאַן..
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
