קאָנצערט געווידמעט שלום־עליכם און מאַרק וואַרשאַווסקי אין ניו־יאָרקConcert and literary evening in honor of Sholem Aleichem and Mark Warshawsky
שיין בייקער און ניקאָל באָרגער וועלן דורכפֿירן אַ פּראָגראַם וואָס באַטאָנט די באַציִונג צווישן די צוויי גרויסע פּערזענלעכקייטן.
Image by Shane Baker
אין סאַן־פּאַולאָ, בראַזיל, האָט דער אַקטיאָר שיין בייקער, מיט דער זינגערין ניקאָל באָרגער, אין דעצעמבער דורכגעפֿירט אַ ליטעראַרישן אָוונט, וואָס באַטאָנט די באַציִונג צווישן דעם מחבר פֿון אַ צאָל באַרימטע ייִדישע לידער ווי „אויפֿן פּריפּעטשיק‟ און „דעם מילנערס טרערן‟, מאַרק וואַרשאַווסקי, און שלום־עליכם, וואָס האָט געהאָלפֿן פּאָפּולאַריזירן וואַרשאַווסקיס לידער.
דאָנערשטיק, דעם 16טן יאַנואַר, וועלן בייקער און באָרגער אויפֿטרעטן מיט דער פּראָגראַם אין מאַנהעטן. די אונטערנעמונג, אָרגאַניזירט דורך דער אָרגאַניזאַציע „תּיקון־בראַזיל‟ און דעם „ייִדישן קולטור־קאָנגרעס‟, וועט פֿאָרקומען 8 אַ זייגער אויפֿן „אָפּער וועסט־סײַד‟. בילעטן (20$) קען מען באַשטעלן דאָ..
מאַרק וואַרשאַווסקי, וואָס איז געווען אַ קיִעווער אַדוואָקאַט, האָט אין די 1880ער יאָרן געזונגען זײַנע לידער אויף אַ סעריע אומפֿאָרמעלע קאָנצערטן אין קיִעוו. כאָטש ער האָט לכתּחילה ווייניק געהאַלטן פֿון די לידער, זענען אַ פּאָר פֿון זיי געוואָרן פּאָפּולער איבער גאַנץ מיזרח־אייראָפּע ווי „פֿאָלקסלידער‟. ווען שלום־עליכם האָט זיך דערוווּסט, אַז דער מחבר פֿון די אַזוי גערופֿענע „פֿאָלקסלידער‟ געפֿינט זיך, ווי ער אַליין, אין קיִעוו, האָט ער אים געבעטן זינגען פֿאַר זײַנע חבֿרים. נאָך וואַרשאַווסקיס אויפֿטריט האָט שלום־עליכם אים אַרומגעכאַפּט און געקושט.
וואַרשאַווסקי האָט זײַנע אייגענע לידער קיין מאָל ניט פֿאַרשריבן, האָט שלום־עליכם אים איבערגעצײַגט צו לאָזן אים אַרויסגעבן די טעקסטן פֿון די לידער מיט די נאָטן ווי אַ ביכל. די זאַמלונג, „ייִדישע פֿאָלקסלידער‟, איז פּובליקירט געוואָרן אין קיִעוו אין 1900. צווישן 1900 און 1907 האָבן זיי עטלעכע מאָל גאַסטראָלירט אין איינעם איבער אייראָפּע; שלום־עליכם — פֿאָרלייענענדיק זײַנע מעשׂיות און מאָנאָלאָגן, און מאַרק וואַרשאַווסקי — זינגענדיק זײַנע לידער. די צוויי האָבן פּלאַנירט צו מאַכן אַ טור איבער אַמעריקע אין 1908, נאָר וואַרשאַווסקי איז פּלוצלינג געשטאָרבן אין נאָוועמבער 1907.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
