צוואַנציק פּראָצענט דײַטשן האַלטן אַז מע רעדט צו פֿיל וועגן חורבן20% Germans think Holocaust gets too much attention
דרײַ־פֿערטל דײַטשן האַלטן אָבער אַז יעדער תּלמיד זאָל באַזוכן אַ קאָנצענטראַציע־לאַגער.
Image by Getty Images
לויט די רעזולטאַטן פֿון צוויי נײַע אַנקעטעס, האַלטן אַרום 20 פּראָצענט דײַטשן, און מער ווי אַ העלפֿט פֿון די אָנהענגער פֿון די רעכטע פּאַרטייען, אַז מע רעדט דאָרט צו פֿיל וועגן דעם חורבן.
מע האָט געמאַכט די אַנקעטעס ערבֿ דעם אינטערנאַציאָנאַלן חורבן־טאָג. יוסף שוסטער, דער פּרעזידענט פֿונעם „הויפּטראָט פֿון די ייִדן אין דײַטשלאַנד‟ האָט געזאָגט, אַז נאָך דער מלחמה איז דאָס באַטראַכטן און אַרומרעדן די דײַטשישע פֿאַרברעכנס בשעתן חורבן געווען אַ פּריאָריטעט אין מערבֿ־דײַטשלאַנד אָבער הײַנט איז דער דאָזיקער קאָנסענסוס שטאַרק אָפּגעשוואַכט געוואָרן.
45% דײַטשן האָבן געזאָגט, אַז מע זאָל יאָ אָפּמערקן דעם חורבן אויף עפֿנטלעכע צערעמאָניעס און לערנען אין אַלע שולן וועגן יענעם פֿינצטערן קאַפּיטל פֿון דער געשיכטע. 24% האַלטן אַז די טעמע דאַרף מען נאָך מער אַרומרעדן אָבער 22% האַלטן פֿאַרקערט, מע רעדט שוין צו פֿיל וועגן דעם.
בײַ די אָנהענגער פֿון דער עקסטרעם־רעכטער אַנטי־אימיגראַנטישער פּאַרטיי „אַלטערנאַטיוו פֿאַר דײַטשלאַנד‟ איז דער פּראָצענט נאָך העכער: 56% פֿון זיי האַלטן אַז מע רעדט צו פֿיל וועגן דעם חורבן אין דײַטשלאַנד. אַ צווייטע אַנקעטע פֿון יענע אָנהענגער פֿון דער עקסטרעמיסטישער פּאַרטיי האָט אָנגעוויזן, אַז 72% פֿון זיי האַלטן, אַז מע האָט שוין גענוג דערמאָנט דעם חורבן און מע זאָל ווייניקער „אָבסעסירן‟ וועגן די נאַצי־פֿאַרברעכנס. בלויז 13% שטיצער פֿון דער פּראָגרעסיווער „גרינער פּאַרטיי‟ האַלטן אַזוי.
אין אַלגעמיין האָבן 55% דײַטשן געזאָגט אַז די שריט וואָס דײַטשלאַנד פֿירט הײַנט דורך אָפּצומערקן און לערנען וועגן דעם חורבן זענען פּונקט די געהעריקע מאָס, בעת 17% זאָגן אַז מע וואָלט געדאַרפֿט טאָן נאָך מער. 75% האַלטן אַז מע דאַרף פֿאָדערן פֿון אַלע שולן אין לאַנד צו באַזוכן אַ דענקמאָל פֿאַרבונדן מיט אַ קאָנצענטראַציע־לאַגער.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
