לאָרין סקלאַמבערג וועט אויפֿטרעטן בײַם „סיאַטל ייִדיש־פֿעסט‟Lorin Sklamberg to perform at Seattle Yiddish Fest
אין סיִאַטל האָט זיך לעצטנס צעבליט דער אינטערעס צו ייִדיש. מע לערנט איצט זיבן ייִדיש־קלאַסן און ס׳שפּילן דאָ מער ווי צען קלעזמער־קאַפּעליעס.
Image by Getty Images
צוויי באַרימטע פֿיגורן אין דער קלעזמער וועלט, לאָרין סקלאַמבערג פֿון „די קלעזמאַטיקס‟ און די זינגערין סאַשע לוריא, וועלן הײַיאָר אויפֿטרעטן אויפֿן צווייטן יערלעכן ייִדיש־פֿעסטיוואַל אין סיִאַטל, וואַשינגטאָן.
דער פֿעסטיוואַל, וואָס הייסט „סיאַטל ייִדיש פֿעסט‟, איז דער איינציקער פֿעסטיוואַל פֿון ייִדישער מוזיק און קולטור אין דער שטאָט. אין סיִאַטל האָט זיך במשך פֿון די לעצטע יאָרן שטאַרק צעבליט דער אינטערעס צו ייִדיש. מע לערנט איצט זיבן וועכנטלעכע ייִדיש־קלאַסן און ס׳שפּילן דאָ מער ווי צען קלעזמער־קאַפּעליעס.
אויפֿן „סיאַטל ייִדיש־פֿעסט‟, וואָס וועט פֿאָרקומען אינעם „פֿיני־צענטער‟ און „טעמפּל בית עם‟ פֿונעם 14טן ביזן 16טן פֿעברואַר, וועט מען דורכפֿירן אַ צאָל וואַרשטאַטן, דזשעמסעסיעס, קאָנצערטן און לעקציעס פֿאַרבונדן מיט די קולטור־אוצרות פֿון די מיזרח־אייראָפּעיִשע ייִדן און זייערע קינדסקינדער אין אַמעריקע. דער דירעקטאָר פֿונעם פֿעסטיוואַל איז דער פֿידלער און קאָמפּאָזיטאָר קרעג יודלמאַן, אַ סיִאַטל־געבוירענער וואָס וווינט הײַנט אין בערלין.
דער צײַטפּלאַן איז אַ געפּאַקטער:
שבת, דעם 15טן פֿעברואַר וועט אינעם „סטרום דזשיי־סי־סי‟ אויפֿטרעטן די טאָראָנטער קלעזמער־קאַפּעליע, Beyond the Pale וואָס וועבט צונויף קלעזמער־ און באַלקאַנישע מוזיק.
זונטיק, דעם 16טן, וועט מען במשך פֿונעם טאָג האַלטן לעקציעס געפֿירט פֿון סקלאַמבערג און אַנדערע עקספּערטן. צווישן די טעמעס: „דער מצבֿ פֿאַר קינדער וואָס ווערן דערצויגן ווי ייִדן אין הײַנטיקן מיזרח־אייראָפּע‟, „סקאַנדאַלן און טשודאַקן פֿונעם ייִדישן טעאַטער‟, „ווי ייִדן ניצן מוזיק צו וויסן וויפֿל איז דער זייגער‟ און „הינטער די קוליסן פֿון דער קלעזמער־אויפֿלעבונג‟.
זונטיק אויף דער נאַכט, אין טעמפּל בית־עם, וועט סקלאַמבערג, אין איינעם מיט די אַנדערע קלעזמער־לעקטאָרן, אָנפֿירן מיט אַ קאָנצערט פֿון ייִדישע פֿאָלקס־באַלאַדעס, „גראָבע‟ ליבעלידער און פּערל פֿון דער גאָלדענער תּקופֿה פֿון דער איסט־סײַד. די חזנטע שׂרה מײַערסאָן וועט אָנפֿירן מיט טראַדיציאָנעלע ייִדישע טענץ.
נאָך בילעטן אָדער מער אינפֿאָרמאַציע, קוועטשט דאָ.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
