פּסח־קאָנצערט אויף פֿיר ייִדישע שפּראַכןPassover Concert in Four Jewish Languages
די פּראָגראַם איז אַ טייל פֿון אַן איניציאַטיוו פֿונעם „פּראָיעקט פֿון ייִדישע שפּראַכן‟ בײַם „היברו־יוניאָן־קאַלעדזש‟.
Image by Getty Images
זינט 2002 פֿירט ד׳׳ר שׂרה בונין־בענאָר אָן מיט דער וועבזײַט „ייִדישע שפּראַכן‟, וואָס גיט איבער אַ סך אינפֿאָרמאַציע וועגן פֿאַרשידענע ייִדישע שפּראַכן און דינט ווי אַ דיגיטאַליש אָרט, וווּ די ספּעציאַליסטן וואָס פֿאָרשן זיי קענען זיך טרעפֿן און צוזאַמענאַרבעטן.
פֿון דער וועבזײַט איז אַרויסגעוואַקסן אַ ריי פֿאָרשערישע איניציאַטיוון אָנגעפֿירט פֿון ד׳׳ר בונין־בענאָר: אַ פּראָיעקט צו פֿאָרשן די ייִדישע און העברעיִשע ווערטער וואָס מע נוצט אויף ענגליש, שפּאַניש, פֿריינצייזיש, רוסיש און שוועדיש, אַן אַנקעטע וועגן נעמען בײַ אַמעריקאַנער ייִדן, פֿאָרשפּראָיעקטן וועגן דעם אופֿן ווי אַזוי מע לערנט העברעיִש אין דיאַמעריקאַנער זומער־לאַגערן און אַזוי ווײַטער. די איניציאַטיוון ווערן געשאַפֿן אונטערן דאַך פֿונעם „פּראָיעקט פֿון ייִדישע שפּראַכן‟, וואָס ווערט געשטיצט דורכן „היברו יוניאָן־קאַלעדזש‟, וווּ ד׳׳ר בונין־בענאָר איז אַ פּראָפֿעסאָרין.
אין צוזאַמענהאַנג מיט די פֿאַרשידענע אַקאַדעמישע איניציאַטיוון הייבט דער „ייִדישע שפּראַכן־פּראָיעקט‟ אָן אײַנצואָרדענען קאָנצערטן. לכּבֿוד פּסח וועלן אַ רײ זינגער אויפֿטרעטן זונטיק, דעם 15טן מאַרץ, מיט אַ ריי פּסח־לידער אויף ייִדיש, דזשודעזמע, ייִדיש־אַראַביש און ייִדיש־פּערסיש. אויף ייִדיש וועט פֿאָרקומען אַ קאָנצערט מיט דזשערעמײַע לאָקוואָד און דזשוליע אײַזנבערג; אויף ייִדיש־אַראַביש — מיט אשר שאַשאָ־לוי און אויף דזשודעזמע און ייִדיש־פּערסיש — קלאָיִ פּאָרמאָראַדי. אַחוץ דער מוזיק גופֿא וועט ד׳׳ר בונין־בענאָר רעדן וועגן באַדראָטע ייִדישע שפּראַכן ווי די הײַנטיקע ייִדישע דיאַלעקטן פֿון אַרמיש און זשוהורי, די שפּראַך פֿון די באַרג־ייִדן. פּסחדיקע מאכלים וועלן סערווירט ווערן.
דער קאָנצערט וועט פֿאָרקומען אין לאָס־אַנדזשעלעס בײַם „פּיקאָ־אוניאָן־פּראָיעקט‟, 7 אַ זייגער אין אָוונט. די וואָס קענען ניט זײַן דערבײַ וועלן נאָכן 18טן מאַרץ האָבן אַ געלעגנהייט צו זען דעם קאָנצערט אויף דער אינטערנעץ.
Why I became the Forward’s editor-in-chief
You are surely a friend of the Forward if you’re reading this. And so it’s with excitement and awe — of all that the Forward is, was, and will be — that I introduce myself to you as the Forward’s newest editor-in-chief.
And what a time to step into the leadership of this storied Jewish institution! For 129 years, the Forward has shaped and told the American Jewish story. I’m stepping in at an intense time for Jews the world over. We urgently need the Forward’s courageous, unflinching journalism — not only as a source of reliable information, but to provide inspiration, healing and hope.
, editor-in-chiefSupport our mission to tell the Jewish story fully and fairly.
