קאָנצערט, „ייִדישע פּראַכט‟, קומט קיין ניו־יאָרק“Yiddish Glory” concert coming to New York
אַ ציגײַנער קאַפּעליע וועט אויפֿפֿירן אַ ריי לעצטנס אַנטדעקטע ייִדישע לידער אָנגעשריבן פֿון ייִדן אין ראַטן־פֿאַרבאַנד בשעת דער צווייטער וועלט־מלחמה.
Graphic by Angelie Zaslavsky
דער קאָנצערט „ייִדישע פּראַכט: פֿאַרלוירענע לידער וועגן לעבן און גורל‟, באַזירט אויף אַן אַלבאָם וואָס איז נאָמינירט געוואָרן פֿאַר אַ „גרעמי‟ און וואָס האָט געוווּנען אַ מלוכישע פּרעמיע אין רוסלאַנד, וועט צום ערשטן מאָל אויפֿגעפֿירט ווערן אין מאַנהעטן.
ביז איצט האָט מען שוין געשפּילט דעם קאָנצערט אין קאַנאַדע, ישׂראל, פֿראַנקרײַך, עסטרײַך, דענמאַרק און רוסלאַנד.
דער אַלבאָם לעבט אויף צענדליקער פֿאַרגעסענע קאַמפֿלידער, וואָס ייִדן האָבן אָנגעשריבן און געזונגען אין ראַטן־פֿאַרבאַנד בשעת דער צווייטער וועלט־מלחמה. ביז איצט איז דער הויפּטזינגער פּסאָי קאָרעלענקאָ אויפֿגעטראָטן מיט אַ קאַפּעליע פֿון קאַנאַדער, רוסישע און ווײַסרוסישע מוזיקער אָבער דאָס מאָל וועט אים באַגלייטן די באַרימטע ציגײַנערישע קאַפּעליע פֿון רוסלאַנד — „לויקאָ‟.
צווישן די לידער וועט ד׳׳ר אַנאַ שטערנשיס פֿון טאָראָנטער אוניווערסיטעט, וואָס האָט אַנטדעקט די לידער אין אַ לאַנג־פֿאַרלוירן־געגאַנגענעם אַרכיוו, איבערגעבן דעם קאָנטעקסט פֿון די לידער. אַלץ וועט באַגלייט ווערן פֿון ענגלישע, ייִדישע און רוסישע אונטערקעפּלעך.
די פּראָגראַם, וואָס וועט פֿאָרקומען אינעם „מוזיי פֿון דער ייִדישער ירושה‟, וועט מען קענען זען צוויי מאָל: מאָנטיק, דעם 30סטן מאַרץ און דינסטיק, דעם 31סטן מאַרץ, 7 אַ זייגער אין אָוונט. בילעטן זענען 30$ פֿאַר מיטגלידער פֿונעם מוזיי און 35$ פֿאַרן ברייטן עולם
אַחוץ דעם קאָנצערט בײַם „מוזיי פֿון דער ייִדישער ירושה‟ וועט דער אַנסאַמבל גאַסטראָלירן איבער צפֿון־אַמעריקע. נאָך מער אינפֿאָרמאַציע קוועטשט דאָ.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
