Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe

שלום־עליכמס „מנחם מענדל‟ וועט אינסצענירט ווערן אין בוענאָס־אײַרעסSholem Aleichem’s “Menachem Mendl” to be staged in Yiddish in Buenos Aires

רפֿאל גאָלדוואַסער וועט באַלעבן דעם באַקאַנטן שלימזלדיקן געשעפֿטסמאַן אויף דער בינע — אָבער בלויז אויף איין נאַכט

אַחוץ ניו־יאָרק איז בוענאָס־אײַרעס אַמאָל געווען דער גרעסטער צענטער פֿונעם ייִדישן טעאַטער אין די אַמעריקעס. הײַנט קומען זעלטן פֿאָר פֿאָרשטעלונגען פֿון ייִדישן טעאַטער אין דער אַרגענטינער הויפּטשטאָט; להיפּוך צו ניו־יאָרק און תּל־אָבֿיבֿ געפֿינען זיך דאָרטן ניט קיין שטענדיקע טרופּעס.

אַקטיאָרן האָט מען דאָרט אָבער יאָ וואָס שטעלן פֿון צײַט צו צײַט פֿאָר ספּעציעלע פּראָגראַמען אויף מאַמע־לשון אין איינעם מיט אויסלענדישע גאַסט־אַרטיסטן. רפֿאל גאָלדוואַסער, דער בוענאָס־אײַרעס־געבוירענער אַקטיאָר, וואָס פֿירט שוין אָן לאַנגע יאָרן מיטן שטראַסבורגער „לופֿט־טעאַטער‟ און טרעט אויך אויף מיט טרופּעס אין אַמעריקע, וועט אין זײַן היימשטאָט זונטיק, דעם 22סטן מאַרץ, אינסצענירן שלום־עליכמס ראָמאַן „מנחם מענדל‟. צוזאַמען מיט אים אין דער פֿאָרשטעלונג, וואָס ער רופֿט אָן אַ „ראַדיאָ־שפּיל וואָס מע קען זען‟, וועלן אויפֿטרעטן די אַרגענטינער אַקטריסע יהודית בוכהאַלטער, וואָס שפּילט לאַנגע יאָרן אין אַרגענטינער פֿילמען און טעלעוויזיע־פּראָגראַמען, און דער יונגער ייִדישיסט לוקאַס פֿישמאַן. די פֿאָרשטעלונג, רעזשיסירט דורך גאָלדוואַסער, וועט באַגלייט ווערן מיט שפּאַנישע איבערקעפּלעך.

די פּראָגראַם וועט זיך אָנהייבן 5:30 נאָך מיטאָג אין דער שיל „נווה שלום‟. צוזאַמען מיט דער פּיעסע וועט אויפֿטרעטן די פּאַריזער קלעזמער־קאַפּעליע „מישמאַש‟.

„מנחם מענדל‟ שילדערט די עקאָנאָמישע שוועריקייטן פֿון די ייִדן אין צאַרישן רוסלאַנד און די גרויסע ענדערונגען צום ייִדישן לעבן בײַם סוף פֿונעם 19סטן יאָרהונדערט, דורך אַ סעריע בריוו צווישן דעם אומבאַהאָלפֿענעם געשעפֿטסמאַן מנחם מענדל און זײַן פֿרוי שיינע שיינדל. דער ראָמאַן איז גוט צוגעפּאַסט צום טעאַטער ווײַל די בריוו קען מען גרינג פֿאַרוואַנדלען אין פּיקאַנטע מאָנאָלאָגן.

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.