געזונט־באַאַמטע וואָרענען: ניצט נישט דעם אַנטי־מאַלאַריע מעדיציןHealth officials warn against using anti-malaria medication
אַ מאַן איז געשטאָרבן נאָכן אײַננעמען כלאָראָקווין, וואָס פּרעזידענט טראָמפּ האָט געהאַט באַצייכנט ווי אַ מעגלעכע „רפֿואה‟ קעגן קאָראָנאַ־ווירוס.
Graphic by Angelie Zaslavsky
אַ מאַן אין אַריזאָנע איז געשטאָרבן און זײַן פֿרוי געפֿינט זיך אין אַן ערנסטן געזונט־מצבֿ נאָך דעם ווי זיי האָבן ביידע אײַנגענומען כלאָראָקווין, אַ סובסטאַנץ וואָס ווערט געניצט צו רייניקן פֿישטאַנקען, און וואָס געפֿינט זיך אויך אין אַן אַנטי־מאַלאַריע מעדיצין.
„באַנער‟, אַ געזונט־באַדינונג סיסטעם אין אַריזאָנע, האָט איבערגעגעבן אַז דאָס פּאָרל, וואָס ביידע זענען אין די 60ער, זענען קראַנק געוואָרן בלויז אַ האַלבע שעה נאָכן אײַננעמען כלאָראָקווין. דער מאַן איז געשטאָרבן אין שפּיטאָל אָבער די פֿרוי האָט באַוויזן אויסצוברעכן ס׳רובֿ דערפֿון.
די פֿרוי האָט געזאָגט פֿאַר NBC News אַז זי האָט געהערט ווי פּרעזידענט דאָנאַלד טראָמפּ האָט, בעת אַ פּרעסע־קאָנפֿערענץ, באַצייכנט כלאָראָקווין ווי אַ מעגלעכע רפֿואה פֿאַרן קאָראָנאַ־ווירוס. די פֿרוי האָט זיך דערמאָנט אַז זי האָט געזען דאָס וואָרט כלאָראָקווין אויפֿן פֿלעשל פֿון אַ סובסטאַנץ וואָס זי גיט אַרײַן אין איר פֿישטאַנק צו פֿאַרסמען די אָרגאַניזמען וועלכע שאַטן די פֿישעלעך.
נאָך דעם ווי טראָמפּ האָט געמאַכט די דערקלערונג האָבן געזונט־באַאַמטע געוואָרנט מענטשן למען־השם נישט צו נעמען קיין אַזוי־גערופֿענע „רפֿואות‟ צו באַקעמפֿן די סימפּטאָמען פֿון קאָראָנאַ־ווירוס.
„מיר ווילן בשום־אופֿן נישט אַז די שפּיטעלער זאָלן איצט ווערן איבערגעפֿולט מיט פּאַציענטן וואָס מיינען אַז זיי האָבן געפֿונען אַ ׳רפֿואה׳, ווען אין דער אמתן קען די רפֿואה זײַן נאָך ערגער ווי די קרענק,‟ האָט געוואָרנט ד״ר דאַניעל ברוקס, דער מעדיצינישער דירעקטאָר פֿונעם „באַנער אינפֿאָרמאַציע צענטער וועגן סם און מעדיקאַמענטן‟.
„מיר רופֿן אַלע דאָקטוירים און אַנדערע געזונט־פּראָפֿעסיאָנאַלן נישט צו פֿאַרשרײַבן דעם מעדיצין צו קיין פּאַציענטן וואָס געפֿינען זיך נישט אין שפּיטאָל,‟ האָט ברוקס געזאָגט.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
