די אַרבע בנים פֿונעם קאָראָנאַ־ווירוסThe Four Sons of the coronavirus
אַ פּירסום־קאַמפּאַניע גיט איבער וואָס די פֿיר מינים קינדער אין דער הגדה וואָלטן געפֿרעגט ווען זיי לעבן איצט איבער די מגפֿה.
Graphic by Angelie Zaslavsky
די עקספּערטן פֿון פֿאָלקסגעזונט רעדן כּסדר וועגן cultural competency: כּדי אַ מענטש זאָל בעסער אויפֿכאַפּן דעם באַטײַט פֿון אינפֿאָרמאַציע וואָס מע וויל איבערגעבן, דאַרף מען ניט בלויז רעדן צו אים אויף אַן אופֿן וואָס ער פֿאַרשטייט, נאָר אויך אויף אַן אופֿן וואָס שטימט מיט זײַן וועלטבאַנעם.
קודם, דאַרף מען, לכל־הפּחות, כאָטש פֿאַרזיכערן, אַז ס׳איז גאָרנישט דאָ אין דער מעלדונג וואָס קאָן עמעצן באַליידיקן. מע וואָלט, למשל, ניט געלערנט קינדער אין אַ מוסולמעניש לאַנד וועגן נערונג און דיעטעס, דורכן ווײַזן זיי אַ ווידעאָ, אין וועלכן מע עסט חזיר־פֿלייש. דער מאַטעריאַל דאַרף זײַן צוגעפּאַסט צו די קולטורעלע באַדאַרפֿענישן פֿון יענע לייענער אָדער צוקוקער.
דאָס זײַן באַהאַוונט אין אַ קולטור איז וויכטיק ניט בלויז צוליב יענע זאַכן וואָס מע דאַרף אויסמײַדן, נאָר אויך אין דעם וואָס מע זאָל באַטאָנען. פּירסום־קאַמפּאַניעס וואָס פֿאַררופֿן זיך אויף ספּעציפֿישע קולטורעלע טראַדיציעס האָבן מער הצלחה בײַ עטנישע צי רעליגיעזע מינאָריטעטן ווי די, וואָס זענען געצילעוועט אויף אַן אַלגעמיינעם עולם.
לעצטנס האָט זיך באַוויזן אַ געראָטענע ייִדיש־שפּראַכיקע פּירסום־קאַמפּאַניע וועגן קאָראָנאַ־ווירוס, וואָס שילדערט וואָס די אַרבע בנים פֿון דער הגדה וואָלטן געפֿרעגט ווען זיי לעבן הײַנט איבער די מגפֿה.
אין דער רעקלאַמע שטייט:
חכם: מה הוא אומר (אַזוי זאָגט ער):
איך פֿאָלג די דאָקטוירים. ער בלײַבט אין דער היים און גייט נאָר אַרויס פֿאַר וויכטיקע זאַכן. ער מאַכט נישט קיין מנינים ווײַל ער פֿאַרשטייט אַז עס זענען דאָ קליגערע מענטשן פֿון אים. זײַטס ווי דער חכם — בלײַבט אין דער היים.
רשע מה הוא אומר: די דאָקטוירים ווייסן נישט וואָס זיי רעדן. איך וועל מיך ווײַטער דרייען צווישן מענטשן, ווײַטער מאַכן מנינים און שרײַען אויף דעם וואָס הייסט פֿאַרמאַכן די שילן. זײַטס ווי דער חכם — בלײַבט אין דער היים
תּם מה הוא אומר: קיינער שטאַרבט נישט. די עסקנים און די צײַטונגען בלאָזן סתּם אַזוי אויפֿן מצבֿ, קיינער איז נאָך נישט געשטאָרבן פֿון קאָראָנע.
זײַטס ווי דער חכם — בלײַבט אין דער היים
שאינו יודע לשאול מה הוא אומר. וואָס איז קאָראָנע?ער האָט קיינמאָל נישט געהערט אַז מען דאַרף בלײַבן אין דער היים. ער ווייסט נישט פֿאַר וואָס די שילן זענען פֿאַרשפּאַרט. זײַטס ווי דער חכם — בלײַבט אין דער היים
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
