Yiddish Alive by the Forward

אַקטיאָר מיכל יאַשינסקי לאַנצירט אייגנאַרטיקע ווידעאָ־סעריע אויף ייִדיש

Actor Mikhl Yashinsky starts whimsical Yiddish video series

וועגן מיכל יאַשינסקי האָב איך שוין געהאַט אַ סך געלעגנהייטן צו שרײַבן אינעם פֿאָרווערטס. איך קען אים שוין אַ זיבן־אַכט יאָר און יעדעס מאָל וואָס איך רעד מיט אים וועגן זײַנע טעטיקייטן איז דאָ אַ נײַער חידוש. דאָ רעדט זיך ניט וועגן טאַלאַנט — ער איז דאָך זייער טאַלענטירט און קיין צווייט־ראַנגיקער שטיק לאָזט ער ניט אַרויס. וואָס איז יאָ שטענדיק אַ חידוש מיט יאַשינסקי, און וואָס שיידט אים אונטער פֿון ס׳רובֿ טאַלאַנטירטע מענטשן, איז וויפֿל פֿאַרשידענע מינים זאַכן ער מאַכט אויף אַ הויכן ניוואָ 

אַחוץ זײַן אַרבעט ווי אַ דראַמאַטורג, לידער־שרײַבער, אָפּערע־רעזשיסאָר, אַקטיאָר, זינגער וכדומה, איז יאַשינסקי אַ שפּראַכלערער בײַם פֿאַך. קיין חידוש ניט, אַז ער קען אויך צונויפֿשטעלן שפּראַכלעקציעס וואָס פֿאַרווײַלן דעם עולם. אָבער אויף אַזאַ פּראָיעקט ווי ”ייִדיש לעבט“, געשאַפֿן צוזאַמען מיטן אַרבעטער־רינג, האָב איך זיך ניט געריכט.

דער סטיל פֿון די ווידעאָס איז אוניקאַל, פֿריש, אַבסורד, סוררעאַליסטיש און זייער מאָדנע אויף דווקא אַ חנעוודיקן אופֿן. דער עפּיזאָד געווידמעט פֿרילינג, למשל, באַנוצט זיך מיט דער קאָמפּיוטער־פּראָגראַם ”אָטאָ־טון“, וואָס צעדרייט דעם קלאַנג פֿון זײַן זינגען אַזוי ווי, להבֿדיל, בײַם סוב־זשאַנער פֿון ראַפּ באַקאַנט ווי „טרעפּ“ (trap). אַנשטאָט אָבער ניהיליסטישע שטותערײַ וועגן פֿרויען, נאַרקאָטיק אָדער קרימינעלע אינטריגעס וואָס מע וואָלט געהערט אין אַ „טרעפּ“־ליד, זינגט יאַשינסקי וועגן די ייִדישע ווערטער, וואָס ”בליִען“ אויף אַ בוים. וואָס אַזוינס ”בליִען“? די ווערטער האָט ער אַליין פֿאַרשריבן אויף שטיקלעך פּאַפּיר אויסגעשניטן אין פֿאָרעם פֿון בלעטעלעך און צוגעבונדן צו אַ בוים, אַ מעטאַפֿאָר פֿאַרן פֿרילינג און לעבעדיקייט פֿון ייִדיש. 

ווי איין צופֿרידענער צוקוקער האָט קאָמענטירט אויף יוטוב, איז דער ווידעאָ „מאָדנע אויף אַ וווּנדערלעכן אופֿן“.

אַקטיאָר מיכל יאַשינסקי לאַנצירט אייגנאַרטיקע ווידעאָ־סעריע אויף ייִדיש

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

אַקטיאָר מיכל יאַשינסקי לאַנצירט אייגנאַרטיקע ווידעאָ־סעריע אויף ייִדיש

Thank you!

This article has been sent!

Close