ווידעאָ: הרבֿ עדין שטיינזאַלץ זאָגט מוסר אויף ייִדיש צו חסידים וואָס „קראַצן זיך”WATCH: Rabbi Adin Steinsaltz admonishes “lazy” Hasidim in Yiddish
דער גרויסער תּלמיד־חכם טענהט אַז די יונגע ליובאַוויטשער טוען ניט גענוג מקרבֿ צו זײַן די פֿרײַע ייִדן.
Graphic by Angelie Zaslavsky
פֿאַראַכטאָגן פֿרײַטיק איז אַוועק אין דער אייביקייט הרבֿ עדין שטיינזאַלץ, וואָס האָט איבערגעזעצט די גאַנצע גמרא אויף העברעיִש, אַ קאָלאַסאַלער אויפֿטו וואָס האָט דערמעגלעכט ייִדן פֿון אַ גאַנץ יאָר צו קענען זיך פֿאַרטיפֿן אין אירע אוצרות. ס׳איז ניט איבערגעטריבן צו זאָגן, אַז קיין מענטש זינט רש׳׳י און דער רמב׳׳ם האָט אויפֿגעטאָן מער צו מאַכן די גמרא צוטריטלעך צום ברייטן עולם ווי הרבֿ שטיינזאַלץ.
מיט יאָרן צוריק האָב איך צופֿעליק גערעדט מיט אַ חב׳׳ד־חסיד וואָס האָט גוט געקענט הרבֿ שטיינזאַלץ נאָך פֿון זײַן יוגנט אין ישׂראל. אַזוי ווי הרבֿ שטיינזאַלץ איז ער אויך אַ ישׂראלדיקער בעל־תּשובֿה, אַ קינד פֿון ייִדיש־רעדנדיקע קאָמוניסטישע עולים (שטיינזאַלצס טאַטע, אַ געוועזענער תּלמיד פֿון הלל צײַטלין, האָט דרך־אַגבֿ, געקעמפֿט אין דער שפּאַנישער בירגערקריג מיט אַ גרופּע ייִדישע קאָמוניסטן פֿון ארץ־ישׂראל).
שטיינזאַלצס אַמאָליקער חבֿר האָט מיר דערציילט אַז דער גרויסער רבֿ רעדט אַ פּרעכטיקן ייִדיש און פֿלעג געבן פֿײַערדיקע דרושות אויף מאַמע־לשון ווען ער האָט באַזוכט דעם וועלטצענטער פֿון חב״ד, 770 איסטערן פּאַרקוויי. די וואָך האָט דער ליובאַוויטשער אַרכיוו Jewish Media אַרויפֿגעשטעלט אויף יוטוב אַ ווידעאָ פֿון 1990 פֿון איינער פֿון די דרשות וווּ שטיינזאַלץ קריטיקירט די יונגע חסידים, וואָס טוען, לויט זײַן מיינונג, ניט גענוג צו שטיצן די אַרבעט פֿונעם ליובאַוויטשער רבין, און זיצן סתּם און שמועסן אויף פֿאַרברענגנס און פֿאַרנעמען זיך בלויז מיט זייערע אייגענע ענינים. אַז מע ווייסט אַלע זײַנע אויפֿטוען, איז עס אַ חידוש צו הערן ווי הרבֿ שטיינזאַלץ דערקלערט אַז ער אַליין „אַרבעט ניט גענוג שווער“ בײַם מקרבֿ זײַן די פֿרײַע ייִדן. אָבער פּונקט אַזוי זאָגט ער טאַקע בײַם דערמאָנען, אַז „דער רבי האָט געוואָלט, אַז מיר זאָלן מאַכן אַ רעוואָלוציע“.
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
