מע זוכט עסייען וועגן ייִדישע אַרטיקלען און שילדערונגען פֿון גוואַלד־טאַטן קעגן אַפֿריקאַנער אַמעריקאַנערSeeking essays on Yiddish portrayals and articles about American racist violence
„אין געוועב“ אָרגאַניזירט אַ ספּעציעלן נומער אויף דער טעמע כּדי אָפּצומערקן 100 יאָר זינט דער שחיטה אין טולסאַ, אָקלאַהאָמע.
Image by Yiddish Book Center
כּדי אָפּצומערקן 100 יאָר זינט דער טרויעריק־באַרימטער שחיטה פֿון אַפֿריקאַנער אַמעריקאַנער אין טולסאַ, אָקלאַהאָמע, אָרגאַניזירט „אין געוועב“ אַ ספּעציעלן נומער געווידמעט די ייִדיש־שפּראַכיקע מקורים וואָס באַשרײַבן גוואַלד־טאַטן קעגן אַפֿריקאַנער אַמעריקאַנער. מע זוכט פֿאָרש־אַרבעטן, עסייען און איבערזעצונגען פֿון דער ייִדישער פּרעסע און ליטעראַטור, וואָס שילדערן לינטשערײַען און מהומות. מע זוכט אויך מאַטעריאַלן, וואָס לערער און פּראָפֿעסאָרן קענען נוצן אין זייערע קלאַסן, כּדי צו לערנען וועגן דער טעמע.
דער טערמין אַרײַנצושיקן אַרטיקלען און איבערזעצונגען פֿאַר יענעם נומער איז דער 11טער יאַנואַר 2021.
נאָך אינפֿאָרמאַציע, גיט אַ קוועטש דאָ.
סײַ אין אַמעריקע, סײַ אין אייראָפּע, האָבן ייִדישע זשורנאַליסטן, פּאָעטן און דראַמאַטורגן באַשריבן מיט אַנגסט און פּאַטאָס דעם אויפֿשטײַג פֿון גוואַלד־טאַטן קעגן אַפֿריקאַנער אַמעריקאַנער במשך פֿון די 1920ער און 1930ער יאָרן. אין אַמעריקע, למשל, האָט יוסף אָפּאַטאָשו אָנגעשריבן זײַן דערציילונג „לינטשערײַ“, וואָס איז אַרויס אין דער וואַרשעווער צײַטונג „הײַנט“ אין 1922. די טעמע איז אויך געווען אַ כּסדרדיקע אין דער אַמעריקאַנער ייִדישער פּרעסע, דעם פֿאָרווערטס בתוכם.
די הויפּט־אילוסטראַציע פֿון דאָרע טייטלבוימס פּאָעמע ”די באַלאַדע פֿון ליטל־ראַק“, געצייכנט פֿון אַללי הערינגטאָן Image by Yiddish Book Center
אין פּוילן האָט מען אויפֿגעפֿירט פּיעסעס וועגן גוואַלד־טאַטן קעגן אַפֿריקאַנער אַמעריקאַנער. אַ פּיעסע מיטן נאָמען „מיסיסיפּי“, וואָס דער וואַרשעווער דראַמאַטורג לייב מלאך האָט אָנגעשריבן אין 1934, איז געווען באַזירט אויפֿן פּראָצעס פֿון די Scottsboro Boys (סקאָטסבאָרער ייִנגלעך) — נײַן אַפֿריקאַנער אַמעריקאַנער וועמען מע האָט פֿאַלש באַשולדיקט אין פֿאַרגוואַלדיקן צוויי ווײַסע פֿרויען און געמישפּט צום טויט. „מיסיסיפּי“ האָט מען פֿאָרגעשטעלט מער ווי 200 מאָל אין אַ ריי פּוילישע שטעט.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
