Skip To Content
JEWISH. INDEPENDENT. NONPROFIT.
Yiddish

אָנלײַן קאָנצערט אין אָנדענק פֿון דער שרײַבערין חוה ראָזענפֿאַרבOnline concert in memory of Yiddish writer Chava Rosenfarb

מיטשל סמאָלקין און אַנאַ קאַלמערינג וועלן אויפֿטרעטן מיט אַ קאָנצערט אָרגאַניזירט דורך דער פֿאָלקסבינע.

ווי אַ טייל פֿון דער סעריע „פֿאָלקסבינע־לײַוו“, אָרדנט אײַן די פֿאָלקסבינע אַ קאָנצערט געווידמעט דעם לעבן און שאַפֿן פֿון דער גרויסער ייִדישער שרײַבערין און פּאָעטעסע חוה ראָזענפֿאַרב.

אין דער פּראָגראַם, וואָס מע וועט מיטוואָך, דעם 18טן נאָוועמבער, טראַנסמיטירן דירעקט פֿון שוועדן, וועלן אויפֿטרעטן דער קאַנאַדער זינגער מיטשל סמאָלקין און די שוועדישע זינגערין אַנאַ קאַלמערינג מיט לידער פֿון חוה ראָזענפֿאַרב, וואָס מע האָט אין די לעצטע יאָרן צוגעשטעלט מוזיק צו זיי. עס וועלן באַגלייטן די זינגער אויפֿן אַקאָרדעאָן דזשערי אַבדאָ. בשעתן קאָנצערט וועט מען דערציילן פּרטים וועגן דעם לעבן און שאַפֿן פֿון דער גרויסער שרײַבערין.

די פּראָגראַם, וואָס מע וועט קענען זען דאָ בחינם, הייבט זיך אָן 1:00 נאָך מיטאָג ניו־יאָרקער צײַט.

חוה ראָזענפֿאַרב איז געבוירן געוואָרן אין לאָדזש אין 1923 און האָט נאָכן חורבן זיך באַזעצט אין מאָנטרעאָל. זי איז באַקאַנט איבערהויפּט פֿאַר איר טרילאָגיע חורבן־ראָמאַנען ”דער בוים פֿון לעבן“ אָבער האָט אויך אָנגעשריבן לידער, עסייען, און רײַזע־נאָטיצן.

מיטשל סמאָלקין איז אויפֿגעוואַקסן אין טאָראָנטע און וווינט הײַנט אין שטאָקהאָלם, וווּ ער אַרבעט ווי אַ פּסיכאָטעראַפּעווט פֿאַר ענגליש־רעדנדיקע פּאָרפֿעלקער וואָס האָבן פּראָבלעמען אינעם זיווג־לעבן. פֿון 2001 ביז 2006 איז ער געווען דער קינסטלערישער דירעקטאָר פֿונעם טאָראָנטער פֿעסטיוואַל „אַשכּנז“. ער האָט אַרויסגעגעבן עטלעכע אַלבאָמען ייִדישע לידער און ספּעציאַליזירט זיך אין לידער פֿונעם ייִדישן טעאַטער.

אַנאַ קאַלמערינג איז אויפֿגעוואַקסן בײַ אַ רוסיש־ייִדישער משפּחה און וווינט הײַנט אין שטאָקהאָלם, וווּ זי פֿירט אָן מיט ראַדיאָ־פּראָגראַמען געווידמעט דער ייִדישער מוזיק. הײַנט איז זי די הויפּטזינגערין פֿון אַ קלעזמער־קאַפּעליע. זי האָט אַרויסגעלאָזט דרײַ אַלבאָמען לידער אויף ייִדיש און דזשודעזמע.

Dive In

    Engage

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected], subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.