ווײַסרוסיש־ייִדישער פּאָעט קריגט אַ קריסטלעכע לוויהBelarusian-Jewish poet given a Christian burial
די ווידער־באַערדיקונג פֿון שמואל יעפֿימאָוויטש פּלאַווניק האָט נישט דערמאָנט זײַן ייִדישן אָפּשטאַם אָדער זײַנע שריפֿטן קעגן אַנטיסעמיטיזם.
שמואל יעפֿימאָוויטש פּלאַווניק Image by wikipedia
דאָס געביין פֿון אַ ייִדישן פּאָעט איז אויסגעגראָבן געוואָרן פֿון קבֿר און ווידער באַגראָבן געוואָרן אין ווײַסרוסלאַנד אונטער אַ צלם דורך אַ צערעמאָניע אָנגעפֿירט פֿון גלחים.
די צווייטע באַערדיקונג פֿון שמואל יעפֿימאָוויטש פּלאַווניק, בעסער באַקאַנט דורכן פּסעוודאָנים זמיטראָק ביאַדולי, איז דורכגעפֿירט געוואָרן אין אַ קריסטלעכן צווינטער אין מינסק דינסטיק, דעם 3טן נאָוועמער, און האָט אַרויסגערופֿן אַ פּראָטעסט צוליב דעם וואָס די באַערדיקונג האָט גאָרנישט דערמאָנט וועגן דעם פּאָעטס ייִדישן אָפּשטאַם.
שמואל יעפֿימאָוויטש פּלאַווניק Image by wikipedia
נאָך עטלעכע רעדעס האָט מען אַראָפּגעלאָזט דעם אָרון מיט פּלאַווניקס געביין אינעם קבֿר און אַרויפֿגעשטעלט אַ צלם, האָט איבערגעגעבן „בעלטאַ‟, די נאַציאָנאַלע נײַעס־אַגענטור פֿון ווײַסרוסלאַנד. דער אַרטיקל האָט בכלל נישט דערמאָנט אַז ער איז געווען אַ ייִד וואָס האָט אין זײַנע שריפֿטן אָפֿט פֿאַרדאַמט דעם אַנטיסעמיטיזם. דער מינסק־נאָוואָסטי נײַעס־אַגענטור האָט אויך אַרויסגעלאָזט דעם פֿאַקט פֿון זײַן באַריכט, אָבער האָט יאָ צוגעגעבן אַז אַ ראַבינער, גרישאַ אַבראַמאָוויטש, האָט דורכגעפֿירט „אַ קליינע צערעמאָניע‟ נאָך דער קריסטלעכער.
פּלאַווניק איז געווען אַ פּאָעט, שרײַבער און פּאָליטישער אַקטיוויסט וואָס האָט איבערגעזעצט ייִדישע ליטעראַטור אויף ווײַסרוסיש. ער איז אומגעקומען אין 1941 אין קאַזאַכסטאַן נאָך דעם ווי ער און אַנדערע ייִדן זענען אַוואַקויִרט געוואָרן אַהין צוליב דעם נאַצישן פֿאָרויסמאַרש. ער האָט זיך קיין מאָל נישט געשמדט.
אויף פֿייסבוק האָט שמעון ברימאַן, אַ באַקאַנטער ישׂראלדיקער זשורנאַליסט אַ געבוירענער אין אוקראַיִנע, קריטיקירט די ווידער־באַערדיקונג, וואָס איז דורכגעפֿירט געוואָרן דורכן „מוזיי פֿון דער געשיכטע פֿון ווײַסרוסישער ליטעראַטור‟ און דער פֿונדאַציע אויפֿן נאָמען פֿון מאַריאַ מאַגדעלענע ראַדזיוויל.
„פּלאַווניקן וואָלט זיך קיין מאָל נישט פֿאָרגעשטעלט אַז זײַן געביין וועט מען אַרויסגראָבן און איבערפֿירן צו דער פּראַוואָסלאַוונער קירך וווּ דער אָרון וועט זײַן אַרומגערינגלט מיט קריסטלעכע איקאָנעס און זינגענדיקע גלחים,‟ האָט ברימאַן געשריבן. ער האָט אויך קריטיקירט דאָס „שווײַגן‟ פֿון די רבנים אין בעלאַרוס אין שײַכות מיט דעם ענין.
אַבראַמאָוויטש, וואָס איז אַ רעפֿאָרם ראַבינער, האָט געזאָגט אויף פֿייסבוק אַז פּלאַווניקס משפּחה האָט מסכּים געווען אַז מע זאָל אים מאַכן אַ קריסטלעכע באַערדיקונג.
A message from Forverts editor Rukhl Schaechter
![](https://forward.com/wp-content/uploads/2024/07/Untitled-design-1-1-673x1024.jpg)
I hope you appreciated this article. Before you move on, I wanted to ask you to support the Forverts' 127-year legacy — and its bright future.
In the past, the goal of the Forverts was to Americanize its readers, to encourage them to learn English well and to acculturate to American society. Today, our goal is the reverse: to acquaint readers — especially those with Eastern European roots — with their Jewish cultural heritage, through the Yiddish language, literature, recipes and songs.
Our daily Yiddish content brings you new and creative ways to engage with this vibrant, living language, including Yiddish Wordle, Word of the Day videos, Yiddish cooking demos, new music, poetry and so much more.
— Rukhl Schaechter, Yiddish Editor