ווידעאָ: דניאל קאַהן רעדט אויף ייִדיש וועגן זײַן צוגאַנג צו מוזיקWATCH: Daniel Kahn speaks in Yiddish about his creative process
דער פּאָפּולערער זינגער האָפֿט אַז זײַנע לידער פֿאַרבינדן דעם הײַנטיקן עולם מיט די אַמאָליקע דורות.
Image by Getty Images
דניאל קאַהן, דער פּאָפּולערער זינגער און אַקטיאָר, האָט גערעדט אויף ייִדיש מיט קאָליע באָראָדולין, דעם דירעקטאָר פֿון ייִדיש־פּראָגראַמען בײַם „אַרבעטער־רינג“, בשעת אַן ענפֿענטלעכער פּראָגראַם טראַנסמיטירט דורך „זום“.
פֿון זײַן דירה אין בערלין האָט קאַהן דערציילט וועגן דער ווירקונג פֿונעם קאָראָנאַ־ווירוס אויף זײַן אַרבעט מחמת ער קען ניט אויפֿטרעטן פֿאַר אן עולם אָדער גאַסטראָלירן אַזוי ווי פֿריִער.
קאַהן האָט אויסגעדריקט די מיינונג, אַז „לידער זענען די בעסטע פֿאַרבינדונג צווישן מענטשן, און ניט נאָר לעבעדיקע מענטשן, נאָר צווישן דורות אויכעט, צווישן צײַטן, קולטורן און לענדער,“ און דערבײַ גיט ער צו אַז ער האָפֿט אַז זײַן מוזיק פֿאַרבינדט שפּראַכן, קולטורן און דורות.
אויף דער פֿראַגע, צי זײַן אַרבעט אינעם טעאַטער ווירקט אויף זײַן מוזיק, האָט קאַהן דערקלערט, אַז ער זעט ניט קיין גרענעץ צווישן די צוויי קינסטלערישע געביטן, ווײַל ביידע זענען אין תּוך אַרײַן אופֿנים ווי אַזוי צו דערציילן מעשׂיות.
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
