מע זוכט יונגע רעצענזענטן צו שרײַבן וועגן ייִדישע קינדערביכערYoung reviewers sought to write about Yiddish children’s books
אויסגעקליבענע ביכער־באַריכטן פֿון קינדער אין עלטער פֿון 5 ביז 13 יאָר וועלן דערשינען אינעם אָנלײַן־זשורנאַל, „אין געוועב“.
Image by Kurt Hoffman
יצחק באַשעוויס האָט אַ מאָל געשריבן, אַז מער פֿון אַלע רעצענזענטן האַלט ער דווקא פֿון קינדער. פֿאַר וואָס? ווײַל להיפּוך צו די ליטעראַרישע קריטיקער, וואָס לויבן אָפֿט ווערק וואָס זיי פֿאַרשטייען ניט כּדי אויסצוזען קלוג, האָבן קינדער ניט קיין מורא צו זאָגן, אַז אַ בוך געפֿעלט זיי ניט אָדער אַז זיי פֿאַרשטייען עס ניט.
איך האָב ניט קיין ספֿק, אַז עס וואָלט באַשעוויסן געפֿעלן געוואָרן די נײַע איניציאַטיוו פֿונעם אינטערנעץ־זשורנאַל „אין געוועב“ צו רעקרוטירן קינדער, זיי זאָלן רעצענזירן ייִדישע קינדערביכער. כּדי אַרויסצוהעלפֿן די יונגע רעצענזענטן, האָט מען געשאַפֿן צוויי פֿאָרומולאַרן — איינער פֿאַר קינדער אין עלטער פֿון פֿינף ביז אַכט יאָר, און אַ צווייטער פֿאַר קינדער אין עלטער פֿון אַכט ביז דרײַצן יאָר. מע קען באַקומען און אויסשטעלן די בויגנס אויף ייִדיש אָדער ענגליש.
די ייִנגערע קינדער ווערן געבעטן צו דערציילן וועגן אַ פּאָר הויפּטמאָמענטן פֿונעם ביכל, איבערגעבן דעם נאָמען פֿונעם מחבר און איבערזעצער, און די נעמען פֿון די פּערסאָנאַזשן, ווי אויך צו צייכענען אַ בילד באַזירט אויף דער מעשׂה. די עלטערע קינדער דאַרפֿן אָנשרײַבן אַ באַריכט, ענטפֿערנדיק אויף עטלעכע פֿראַגעס, אַרײַנגערעכנט וואָס עס איז דער זשאַנער פֿונעם בוך, אין וועלכער תּקופֿה קומט פֿאָר דער סיפּור־המעשׂה און וואָס פֿאַר אַ טעמע באַהאַנדלט דער מחבר. אַלע קינדער וואָס שיקן אַרײַן אַ רעצענזיע וועלן באַקומען אַ צערטיפֿיקאַט, און אַ טייל רעצענזיעס וועלן דערשינען אין „אין געוועב“.
די רעצענזיעס קען מען אַרײַנשיקן ביזן 2טן יאַנואַר אויפֿן אַדרעס [email protected]. נאָך אינפֿאָרמאַציע, גיט אַ קוועטש דאָ.
די איניציאַטיוו ווערט אָרגאַניזירט אין שײַכות מיט אַ נײַער סעריע אַרטיקלען, אינטערוויוען און איבערזעצונגען געווידמעט דער ייִדישער קינדער־ליטעראַטור.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
