הערט: באַשעוויס לייענט פֿאָר דרײַ פֿון זײַנע דערציילונגעןListen: Isaac Bashevis Singer reading three of his stories
די רעקאָרדירונג געמאַכט פֿונעם שרײַבער און נאָבעל־לאַוורעאַט שטעלט מיט זיך פֿאָר אַ זעלטענע געלעגנהייט צו הערן אַ וואַרשעווער ייִדיש.
Image by Getty Images
לעצטנס האָט זיך פֿאַרשפּרייט אויף „פֿייסבוק“ אַ זעלטענע רעקאָרדירונג, אין וועלכער דער שרײַבער און נאָבעל־לאַוורעאַט יצחק באַשעוויס זינגער לייענט פֿאָר דרײַ פֿון זײַנע דערציילונגען אויף מאַמע־לשון. די רעקאָרדירונג איז פֿון אַ פּלאַטע וואָס די פֿירמע האָט אַרויסגעלאָזט אין 1967. זי נעמט אַרײַן די דערציילונגען „קליין און גרויס“, „שירה און כּוזיבאַ“ און „דער צוריקגעשריגענער“.
ייִדיש־שפּראַכיקע רעקאָרדירונגען פֿון באַשעוויסן זענען ניט קיין גרויסער חידוש, נאָר כּמעט אַלע פֿון זיי וואָס זענען בנימצא אָנלײַן באַשטייען פֿון רעדעס. אַ רעקאָרדירונג אין וועלכער באַשעוויס לייענט פֿאָר זײַנע אייגענע דערציילונגען אויף ייִדיש איז יאָ אַ זעלטנהייט, כּמעט אַ יחיד־במינו.
די וואָס ווילן הערן ווי באַשעוויס לייענט פֿאָר „דער צוריקגעשריגענער“ אויף ענגליש, [קענען זי הערן אויף נאָך אַ פּלאַטע, וואָס ער האָט רעקאָרדירט צו דער זעלביקער צײַט. די דערציילונג קען מען אויך לייענען דאָ אויף זײַטל 51.
די אָ ייִדישע רעקאָרדירונג האָט אַנטדעקט דובֿ־בער קערלער. אַחוץ זײַן שטעלע ווי אַ פּראָפֿעסאָר פֿון ייִדיש בײַם אינדיאַנער אוניווערסיטעט און זײַן צווייטער קאַריערע ווי אַ רעדאַקטאָר און ייִדישער פּאָעט (אונטערן פּסעוודאָנים באָריס קאַרלאָוו), איז קערלער איינער פֿון די אַקטיווסטע זאַמלער פֿון ייִדיש־שפּראַכיקע מאַטעריאַלן אָנלײַן. די ווידעאָס, רעקאָרדירונגען, כּתבֿ־ידן, סקאַנירטע ביכער און זשורנאַלן, וואָס ער געפֿינט, טיילט ער דורך זײַן וועבזײַט, ווי אויך דורך עטלעכע פֿייסבוק־גרופּעס מיט וועלכע ער פֿירט אָן.
אויף פֿייסבוק האָט די רעקאָרדירונג אַרויסגערופֿן אַ סך פּאָזיטיווע קאָמענטאַרן, כאָטש מערסטנס האָט מען רעאַגירט גיכער אויף באַשעוויסעס דיאַלעקט איידער זײַן סטיל פֿון לייענען; למשל, וועגן זײַן „למד“, וואָס מע האָט אין וואַרשע אַרויסגערעדט אַנדערש ווי בײַ אַנדערע ייִדיש־רעדנדיקע מקומות. פֿאַר די וואָס זענען פֿאַראינטערעסירט אין דער טעמע, האָט לייזער בורקאָ, וואָס פֿירט אָן מיטן „ייִדישן דיאַלעקטן ווערטערבוך“, צונויפֿגעפֿלאָכטן אַ סעריע אויסשניטן פֿון באַשעוויסעס רעדעס, מע זאָל קענען הערן די הויפּטשטריכטן פֿון זײַן דיאַלעקט.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
