Skip To Content
JEWISH. INDEPENDENT. NONPROFIT.
Yiddish

אַ ייִדיש־קלאַס אויף „זום‟ פֿאַר קינדער, עלטערן און באָבע־זיידעסA Zoom Yiddish class for kids, parents and grandparents

נעמי מילער, אַ געבוירענע ייִדיש־רעדערין, וועט לערנען וואָקאַבולאַר דורך געזאַנג, מעשׂהלעך, ווערטערשפּילן און קורצע סקעטשן.

לייענט דעם אַרטיקל אויף ענגליש.

מיט עטלעכע וואָכן צוריק, אַ וואָך פֿאַר חנוכּה, האָט דער פֿאָרווערטס פֿאַרשפּרייט אַ ווידעאָ וואָס ווײַזט ווי איך מאַך קאַרטאָפֿל־לאַטקעס מיט מײַן אייניקל, לייזערל.

אויף פֿייסבוק האָבן אַ צאָל מענטשן באַמערקט ווי שיין עס איז וואָס איך רעד ייִדיש מיט מײַן אייניקל, און הלוואַי וואָלטן זייערע אייגענע אייניקלעך געקענט ייִדיש. אַ טייל באָבעס און זיידעס וואָס איך קען, סײַ פּערזענלעך, סײַ דורך פֿייסבוק, זינגען טאַקע ייִדישע לידער פֿאַר די אייניקלעך און באַצירן זייער ענגליש לשון (אָדער העברעיִש, פֿראַנצייזיש אָדער אַנדערע לאַנדשפּראַך) מיט ייִדישע ווערטער און אויסדרוקן, אָבער צו רעדן ייִדיש מיט זיי טאָג־טעגלעך וואָלט געווען שווער ווײַל זייער ווייניק וווינען אין דער זעלבער געגנט ווי די אייניקלעך. און זינט ס׳איז אויסגעבראָכן די מגפֿה און מע זעט זיך בלויז דורך „זום‟ אָדער „פֿייסטײַם‟, איז נאָך שווערער.

דערצו זענען פֿאַראַן אַ סך באָבעס און זיידעס וואָס האָבן ליב ייִדיש אָבער קענען זי נישט רעדן.

דערפֿאַר איז גוט צו וויסן אַז זונטיק, דעם 27סטן דעצעמבער, וועט די ייִדיש־לערערין נעמי מילער אָנהייבן אַ וואָכיקן ייִדיש־קלאַס דורך „זום‟ פֿאַר קינדער, טאַטע־מאַמעס און באָבע־זיידעס. במשך פֿון פֿינעף סעסיעס וועט זי לערנען ייִדיש דורך געזאַנג, מעשׂהלעך, ווערטערשפּילן און קורצע סקעטשן. דער ערשטער קלאַס קאָסט נישט קיין געלט אָבער פֿאַר די ווײַטערדיקע קלאַסן בעט מען אַ בײַשטײַער פֿון $10 אָדער $15 אַ קלאַס.

די סעסיעס וועלן פֿאָרקומען 1:00 נאָך מיטאָג ניו־יאָרקער צײַט; 10:00 אין דער פֿרי אויפֿן מערבֿ־ברעג פֿון די פֿאַראייניקטע שטאַטן; 6:00 אין אָוונט אין ענגלאַנד; 7:00 אין אָוונט אין ס׳רובֿ אייראָפּע, און 8:00 אין אָוונט אין ישׂראל.

נעמי מילער איז אַן אָנגעזעענע קאַבאַרעט־זינגערין וואָס קען נאָך ייִדיש פֿון די קינדעריאָרן. אַ געבוירענע אינעם די־פּי־לאַגער אין לאַנדסבורג, דײַטשלאַנד, פֿלעגט זי קינדווײַז זינגען אויף אַ קול צווישן די געקאַלכטע ווענט פֿון דער מיקווה אין פּאַטרסאָן, ניו־דזשערזי וואָס אירע טאַטע־מאַמע האָבן מיט דעם אָנגעפֿירט — אַ פּערפֿעקטע אַקטוסטיק פֿאַר דער צוקונפֿטדיקע זינגערין.

כּדי זיך צו רעגיסטרירן פֿאַרן קלאַס, גיט אַ קוועטש דאָ דער ייִדיש־קלאַס ווערט געשטיצט פֿונעם צפֿון־אַמעריקאַנער פֿאַרבאַנד פֿון ייִדישע קונסטן און אַקאַדעמישע טעמעס, בעסער באַקאַנט ווי YAAANA.

צו זען ווי אַזוי נעמי מילער לערנט ייִדיש מיט קינדער, גיט אַ קוק אויף דעם ווידעאָ פֿון אַ פֿריִערדיקן “זום”־קורס אירן אויף יוטוב:

Dive In

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected], subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.